[الامين]

اجيتك والكلب جمرة احلفك بامك الزهره
واحلفك بالكفل زينب والمهدي وكثر صبره
ـــــــــــــــــــــ
اطوف بحضرتك يحسين وعيوني دمعها يسيل
ارتل اية التطهير وارفع صوتي بالترتيل
واكلك ذنبي يامولاي عن جتفي اريده يزيل
وشكيلك هضم حالي وانت غاية امالي
وواسي دمعتي بحسره
اعد ذنوبي يم راسك وعفر خدي بترابه
وكلك سيدي ومولاي روحي الك طلابة
ياباب النجاة شلون غيرك ياهو ادك بابه
ياباب الادكنه وغيرك ياهو اندبنه
ولمن اسجب العبره
اجيتك سيدي ومحتاج طلاب واريد العون
لامال وذهب رايد لاجاه اووجه ميمون
اريدك ليلة الوحشة تحضرني ونكير يهون
مايجره يحاجيني لو حضرتك تحميني
وانت بشخصك تنهره
مارحت النسل سفيان اجيت عليك ابو اليمة
اجيت وروحي ملهوفه تريد الكبرك تشمه
ومن طبع العرب للضيف دونه تموت وتكرمه
وازاني الوكت يحسين للباري عليه دين
وذنوبي غدت كثره
غدت كثره الذنوب وليك فرت روحي تترجه
تكلك سيدي يحسين كل خطوه الالك حجه
اجيتك حافي وتحمل اضحي بروحي والمهجه
فديتك بالابو والام يحسين الدرب مظلم
وانت بنورك تنوره
بقلم
الامين