منتديات موقع الميزان - عرض مشاركة واحدة

torbat karbala2 · رقم العضوية : 2148

بسم الله الرحمن الرحيم
اللهم صلي على محمد وال محمد وعجل فرجهم

السلام عليك سيدتي يا زينب وعلى اخيك ابي الفضل العباس قطيع الكفين ساقي العطاشى ..

والاهُمُ
جنها زينب هاي بت حامي الدخيل بس عجيبه نشوفها بلايه أهل
كون أخت عباس تركب عل الهزيل يعني يا ستار عباس أنجتل
هية زينب هاي عل الناكة وتميل ومن تميل الريح يسندها بخجل
بيها هيبة حيدرة وزعل الكفيل وبيها صبر حسين لاح وي الزعل
والعجيبة شلون يحديها الغريب وأنا أعرف زين بأطباع الكفل
وجنا رأس حسين ذاك عل الرمح وهذا يا سيف الذبح خير العمل
وين سبع الكنطرة وسبع الطفوف شصبر الراس عل رمحه وما نزل
بعينه من شاف الشمر سوطة يلوح بمتن زينب جيف عباس أحتمل
يعني هاي أم الخدر زينب أكول يعني أيس لا خدرها ولا أهل
يعني لا جفالها يلوح الجفوف ولا أبو الحملات من صاحت حمل
يعني ضلت بين جتال الحسين وبين سلاب الربه بحضن الفشل
بس على أعناد الوكت وشما يدور ما تهبط راسها أربات الفحل
هية زينب ما يغيرها المصاب أن جان عل الناكة وأذا فوك الجبل
نسالكم الدعاء