[samar]

يا شيعه عينوني

للشاعر : ابو حسن الحسيني



يا شيعه عينوني بصبر******** يا شيعه عينوني

وكل صبح عاشور اليمر***بالدمع واسوني
===========

انه الغريب بغربتي ******كَلبي بسهم صابوه

نه إلى هشموا جبهتي****وثوب العلي سلبوه

وصدري الشبكَ صدر النبي***بخيولهم داسوه

--------------
وعالغبره محزوز النحر*********يا شيعه خلوني

-----------------------
يا شيعه من شفت ألجره**وشفت الجيوش تصول

وشفت الرجال الغايره*****وبالوادي جنها سيول

من طاح سبع الكَنطره******وهجمت علًي بخيول

-----------------
ناديت وينك يا لكَمر************ يا كَرة عيوني

-------------------------
يا شيعه من هجمة عليَ********خيل وزلم ظليت

حيران لا ناصر إلي***********يجاوبني من ناديت

وينك يحامل رايتي************وينك يراعي البيت

----------------
عباس رد عني الخطر*************يا خويه وصلوني
--------------------------

خلاف إخوتي وراعي العلم*****وأنصاري الطيبين

ظهري انكسر حيلي نهدم***مو جني ذاك حسين

وبالسهم كَلبي من نجسم****** فزعة علي صوبين

--------------------

وطبرات بسيوف الغدر *******يا شيعه طبروني

----------------------
طبرات طبروني وصرت******* فرهود بين اعداي

والماي منهم من ردت********** منعو عليه الماي

وانكسر كَلبي من اسمعت******* خليتمن حماي
----------
زينب تصيح من الخيم*************عدمن تخلوني
--------------------------
لوزرتوا جدي المصطفى***** أولو رحتو يم كَبره
اذكروني يا لكلكم وفه******** بضلع امي الزهره
ولو زرتو كَبر المرتضى******** تواسونه عالطبره
-----------------
يمهم اذكروني بصبر******** * يا شيعه اذكروني

بلا رحمه يا شيعة علي********** بلا رحمه ذبحوني