[عدنان الحمامي]

بسمه تعالى
سلام عليكم

اسئل الله لكم ولنا التوفيق في شفاعة امير المؤمنين علي بن ابي طالب

--

--

-

لوغفت للموت يهلي اعيوني

يم علي بجنازتي اتودوني

--

يهلي اوصيكم احفضوا اوصيتي

خاف باچر من اودع دنيتي

شيعوني لو حملتوا اجنازتي

للنجف والحيدر اتزوروني

--

يالضريح وطوفوا بيّه ياهلي

ثلث طوفات اعله شباچ الولي

وخلي المشيع ينادي ياعلي

هذا ضيفك يمه گال أخذوني

--

هذا ضيفك ياعلي ونته الكريم

لحد يمك راد برحابك يقيم

وحق نوح وآدم وموسى الكليم

علي يحضر لمن اتنزلوني

--

ابلحدي يحضر حيدر وأمسي بأمان

وعندي صك اولايته بيدي ضمان

شلون أخاف وينعگد مني اللسان

وآنه يم حيدر علي اتدفنوني

---

ما أخاف ابوحشه لو ظلمة گبر

ويمي تحظر فاطمه الزهره الطهر

لأن تدري خادم اگضيت العمر

وخادم الزهره الي ايسموني

--

خادم الها وخادم حسين وحسن

وخادم لأم المصايب والمحن

اگضيتها بخدمتهم اسنيني المظن

أشلون وآنه ابگبري ميحضروني

--

سيد عدنان الحمامي