[عدنان الحمامي]

بسمه تعالى

سلام عليكم

اسئل الله لكم ولنا رضاه برضا الوالدين ويجعل لنا واياكم من امرنا فرجا ومخرجا ان شاء الله

--
--

--

اكو نسوان شكثر عدهن سخاء

وللكرم ابواب عدها امشّرعه

وهنه ربات البيوت بكل حنان

وكل ولد طيبه الخصال اترضعه

تبذر بنفسه عمل خير وصلاح

هوه بذره اتصير هيه مزرعه

غرس للطيبات لو ربّت بنين

مدرسه اتصير الولدها وجامعه

لچن ماوحده مثل ام البنين

كل أخو لحسين غيره اترضعه

من علي اخذت تجارب بالحياة

وعهد منها بالوفاء اتوقعه

وصته العباس گالتله اريد

يبني حگ ارباي ليّه اترجعه

سوي يوم الحشر بالطف من تصول

وسوي ذاك اليوم يوم الواقعه

--

سيد عدنان الحمامي