[الامين]

عكب خدر ودلال وعز بياحال او وضع زينب
ذيج الجانت اله ايام بعد ذاك الخدر تندب
بياحال ووضع زينب

ادور ونشد الصوبين محد خوية دلاني
كلي الدهر شله وياي مر وحزن راواني
وحيدة بكربلا وحدي بهذا الوضع خلاني
ادور عليك ما الكاك والمكدر لفه ينعاك
ونايم والفزع سلب

شوصف حالته يكلها ابو اليمه على ياحالة
ساعة يقبض اليمنه وساعة يقبض شماله
والمثلث عليه من طاح اخذ ثلثين دلاله
عل غبرة وكع عني اجيت عليج متعني
اخبرج بالوعد كرب

تحاجي مكدر وتنخاه وديني لبو اليمة
اكله خل يجي ويشوف صارت على الخيم لمة
اخذها ولن تشوف حسين مرمي وسابح بدمه
يكلها شاهدي حاله المسموم على دلاله
بموته السهم هل سبب

كعدت يمه وتحاجي ويم راسه تجر ونه
ساعة تكلب جروحه وساعه بدمه تتحنه
تنشده والكلب بي ناار ماغاب الحزن عنه
سولفلي يماي العين تحس بياجرح يحسين
جروحك بالكلب تلهب

حين الشافت جروحه ومجسوم الكلب نصين
تندب جده مرعوبه كونك تجي تشوف حسين
يلوج بروحه بالميدان لاناصر اله ومعين
عيونك جانت تباري وهل حين الشمر يلفي
حسين بروحه يتكلب

لفه شمر الخنى وكامت تظهر بالسمه الحمره
يرفسه برجله وتربع شمر وكاعد بصدره
وهي تعاين اولي شلون سيفه يحتز بنحره
تكله شمر لاتاذي جروحه البلجسد تكفي
وحاله تشوفه يتصعب

ردت والوصف شيفيد عكبه وطايحه بلوه
تكوم وساعه لن تعثر ومنه العود يطوه
ياسلوه الرحل عنها وعدها غيره ياسلوه
ولياها فرد نومه رجعت عافت الحومه
زينب للخيم تحب
بياحال او وضع زينب

بقلم
الامين
واثابكم الله