[عدنان الحمامي]

بسمه تعالى

سلام عليكم

--

--

--

كل عام المثل هاليوم اكون ابشوگ منتظره

مانام بهذاك اليل ايهل عيدي شوكت بدره

لو حسيت ذاك الحين يوم الخير طر فجره

امن الكوفه العلي اركض بركضتي اغلب المهره

حافي أمهدل وعرگان شوصفه الفرح وشكبره

امعيد مو مثل كل عيد بهل العيد الجرح يبره

أوصل همي گبل الناس اوصلت طبيت للحظره

جوگه اتهوس بهوسات وجوگه الصحن تفتره

وصرخة نعم بايعناك گلب كل حاقد اتفسره

وياهم صحت لبيك امبايع آنه عالفطره

وجيتي للولاء اليوم بصدق وأخلاصها امعبره

لن واحد عله الشباچ شفته امبرگع ابخضره

اشرلي ورحت يمه واعليه يصد نظره

اجيت وطلّع الفايل وأسمي بفايله يقره

وسجل اسمي من اردود ما أعرف شنو سرّه

نشدته وگالي آنه قنبر والك هالبشره

سجلك يم علي هاليوم وتوقعه فاطمه الزهره

--

سيد عدنان الحمامي