[جارية العترة]

[mark=#00ffa2]

المسـتـهــل
[/mark]

[frame="9 80"]
من گبره صاح موسه ابن جعفر- - -چبدي وچبـدك يابنـي تـوذر
سمـوك النـاس السمـونـي- - -ضيـم يـراووك وراوونــي

- - -



يبني راح اشگ لحدي واجي يمك- - -وتدري اهموم بيه هم مثل همـك
چف الي يسمني يالرضه سمـك- - -الك گلبي لحد يوليـدي ويضمـك
يوليدي بطوس صـارت منيتـك- - -بيـه شيصيـر لومـا لگيـتـك
انـشـد عـنـك ويـدلـونـي- - -ضيـم يــراووك ويـاروونـي

- - -





آنـه باللحـد يوليـدي واتـألـم- - -گبلك بالسجن عمري انگظه والهم
ادري يالرضا ماينحمـل هالسـم- - -راح انصب عزه لمصابك ومأتـم
انتـه غريـب وآنـه بغربـتـي- - -تواسينـي بيـك يبنـي دمعتـي
يـانـاس البـيـك يواسيـنـي- - -ضيـم يــراووك وراوونــي

__________________



يبني عادة الميت هله يحضروه- - -كل اهله وعمامه بهيبته يشيعوه
وبگبره بحزنهم اخوته ينزلوه- - -ايهيلون التراب اعليه ويودعوه
يوليدي ليش غربـه التشيعـك- - -مثلي مضلـوم محـد يودعـك
غدروك اوليـدي وغدرونـي- - -ضيـم يـراووك و راوونـي

- - -



چبد ام الحسـن يتألـم الچبـدك- - -ماراعوك وانته المصطفى جـدك
ياذنب الجنيته وياجـرم عنـدك- - -كل هاي المصاعب جابهت وحدك
بالسـم عمـرك لمـن ختمتـه- - -صرح الظالم ابصبـرك هدمتـه
غيبـوك اوليـدي وغيبـونـي- - -ضيـم يــراووك وراوونــي

- - -






ياهو الذي للرضا يروح يشيعه- - -هذا الغريب ولجله يجري الدمعه
ياهو الذي يحب الرسول و آله- - -وحب فاطمه بدمه سره ودلالـه
للرضا يروح الغيبـوا لهلالـه- - -وناعي الحزن وياه يروح وينعه

- - -



بناعي الحزن للرضا يگصد بالحين- - -وين الهواشم عن ابو محمد ويـن
ليش بغربته مادرو صـار سنيـن- - -واليـوم بالسـم چبدتـه مگطعـه

- - -



حضرو ياهلي المرجله بلمتكم- - -براية محمد خل ترف رايتكـم
الكم غريب او وين چا هيبتكم- - -من اهله راد برغبته و يودعه

- - -



صعبه الغريب بغربتـه ولايمـه- - -لا اخـو لااب لااخـت لاامــه
والرضا چف غدار من يسمـه- - -ايفزعون كون اهله آله فد فزعه

- - -



لايظل مثل حسين فوگ الغبـره- - -ابلاراس ظلت جثته بس نحـره
ولاواحد من اهله اجاه ويحضره- - -وذاك السهم من چبده بيده يشلعه

- - -



خل تبچي عين النايبه لمصابـه- - -والدمعه من عين السمه سجابـه
ياهو الذي منكم يهون مصابـه- - -لو سيف لو سم هالچبود اتجرعه

[/frame]