[جارية العترة]

[mark=#00a6ff]في رثاء الامام الحسن العسكري (ع)[/mark]

[mark=#00a6ff]


[/mark]

[frame="9 80"]

گلبك يالمهدي اشكبره- - -صابر مايخلص صبره

- - -

طالت يالمهدي اسنينك- - -غايب عن اهلك وينك

متشتاگ الهم عينـك- - -ينتظـروك ابسامـره

- - -

عودك يالغايب وحـده- - -يتلاهب بالسم چبـده

غيرك يالمهدي اشعنده- - -رادك هالليله اتحضره

- - -

احضر يالغايـب يمـه- - -ومن ثغرة قبله اوشمـه

مايحمـل شـدة سّمـه- - -تبجي الحاله امن اتنظره

- - -

السامره اگصد ليهـا- - -يالغايب شوف اشبيها

احزان امخيمه اعليها- - -ونار الاحقاد اموجره

- - -

صوت العدوان انسمعه- - -اعله اغيابك گالوا بدعه

الثوب الصبر متنزعـه- - -وتاخذ ثارات الزهـره

- - -

شو طالت هاي الغيبه- - -يالمهدي طحنه ابريبه

چم فجعه اوچم امصيبه- - -اتولتنه اچفوف القذره

- - -

اچفوف المبغض تولينه- - -فتوه اوصدروها اعلينه

ذبحوا يالغايـب بينـه- - -چيف انواليها العتـره

- - -

انموت ابحبكم ميهمنه- - -وتظل الزهره أمنـه

نرخص يالغايب دمنه- - -وبحر الاخطار انعبره

[/frame]