[جارية العترة]

[mark=#5f45c9]في حق العباس (ع)[/mark]

[frame="9 80"]

يخويه طاحت اچفوفـك- - - عساها العين متشوفك
على عمرك اخذ عمري- - - يعباس انهدم صبـري

عساها العين متشوفك
__________________


يعباس الأخو للأخت شيلـة راس- - -عزيزه ابهيبته مهيوبه بين الناس
سورالها يصير اوحدها ماينـداس- - - عفتني اشلون بين الغربه ياعباس
گوم اوردهــــا چفـيـنــك- - -وشلـعـه سـهـم البعـيـنـك
فجعنـي ابمصـرعـك دهــري- - -يعـبـاس انـهـدم صـبــري

عساها العين متشوفك
__________________


الك عين الذي چانت تباريني- - -سهم اللي طفاها موطفه عيني
ولاچفوفك امگطعه تراوينـي- - -يبوفاضل اخذ افديك چفينـي
دحاچينـي عـلـى بخـتـك- - -عزيـزه فاطـمـه اخـتـك
راحـت عزتـي اوخــدري- - -يعبـاس انهـدم صـبـري

عساها العين متشوفك
__________________


يعباس اوعضيدك عايـن الحالـه- - -ياهو اللي يحرسه اويحرس اعياله
انكسر ظهره يشوف اچفوفك اگباله- - -صدگ عباس يگلي غيبوا اهلالـه
يزيـنـب خيـبـوا اظـنـونـيامـن اخويـه حرمـوا اعيونـي
مـو حتـى انكـسـر ظـهـري- - -يعـبـاس انـهـدم صـبــري

عساها العين متشوفك
__________________


يعباس اوعضيدك منحني ظهره- - -من شافك يخويه راح كل عمره
الله اشكبر حلمه اشكبر صبره- - -چفوفك عالنهر صدّليهن ابنظره
اچفوفـك مـن گعـد يمهـن- - -يــبچي مــن يكلـمـهـن
شمهـن والـدمـع يـجـري- - -يعبـاس انـهـدم صـبـري

عساها العين متشوفك
__________________


الك عباس هاي اچبود منتظـره - - -من حرّ الظمه كل چبد بيه جمره
اطفال اوفگدلك كل طفل صبـره- - - الطفل يابالفضل شنهو الك عذره
شتخبـرهـم بـعـد عـبـاس - - -شتگلهـم عـمـد بـالـراس
وجـودي اورايتـي ابكـتـري- - - يعـبـاس انـهـدم صـبـري

عساها العين متشوفك
[/frame]