[frame="9 80"]
ابني شباب اوماتهنه ابعمره - - - گلب أمه لغيابه بعد شيصبره
جسـام مــن ودعـتـك- - - يبنـي بـعـد ماشفـتـك
__________________
كل ولد عد أمه غالي ابرو حها تفدي ولدها
رغم ماتعبت اوسهرت ربت اوبذلت جهدها
وانه جاهدت الليالي اشماتمر ليله اعدهـا
جسام تانيتك عمر = ربيتك ابروح الصبر
حسبـت مـن تكبـر ذخـر- - - وليـه اتعـابـي تـردهـا
چان الامل بيك افرح اواتهنه- - - المن شمع والمن بعدها لحنه
مـن ايـدي چن ضيعتـك- - - يبـنـي بعـدمـا شفـتـك
__________________
يبني حگها العين تبچي والگلب يحرگ انينه
وهاي روحي اعليك تنشد ابنچ اتناشدي وينه
شرد اگلها ودع اهله ومابعد جاسـم يجينـه
اتفارگ اشلـون الصورتـك- - - والگلـب يشـتـد حنيـنـه
جسام شمعه بيتي لتجافينـي- - - ابثوب الحزن يوليدي لتخليني
حگ تعـبـي ماحاسبـتـك- - - يبـنـي بـعـد ماشفـتـك
__________________
يبني تعب الأم لبنها موشره اوبيـع اوتريـده
اشحال ام شافت ولدها حنته مـن دم وريـده
والحرمني اوليدي منك من عساها انشلت ايده
لـمـك اوحّـيـده ورحـلــت- - - اليـنـفگد لـمـه شيـعـيـده
امك يجاسـم بالنياحـه امگبعـه- - - جمره اعله خدها من تهلها الدمعه
مـــن الألـــم عاتـبـتـك- - - يبـنـي بـعــد ماشـفـتـك
__________________
عاتبت لو وصل عتبي يبني ياجاسم اسمعـه
ضاعت آمالي ابرحيلك والعمر وياك اضيعـه
شلي يوليدي ابحياتي وانطفت من بيتي شمعه
والـدار ظلـمـه عتبـتـه- - - شيجرعها يبنـي وحشتـه
امــك بـعـد مـارادتـه- - - چي بعدمـا الـك رجـعـه
شمعتك يبني ابدارك اتبچيني- - - يم جاسم اتگلي بعد طفينـي
مـن ساعـة الفـارگتـك- - - يبنـي بـعـد ماشفـتـك
__________________
يبني فارگتك عساها رويحتي اتفارگ بدنها
اشلون والشمات بيه تالي تتشمت لسنهـا
فرحة المادامت الها رمله مافرحت بأبنهـا
مـــن راح لـيـهـا مـارجــع
عـريـس ابـنـهـا وانـصــرع
واعليـه گلــب رمـلـه انفـجـع
وبالـظـنـه يـنگطــع ظـنـهـا
جسام امـك حگهـا ظلـت بالنـوح
اشلون الها عين اتشوف ابنها مذبوح
لــــو ادري چا مـاعـفـتــك
يـبـنـي بـعــد مـاشـفـتـك
__________________
يبني هاي اگبال جثتك واگفه ابيا حاله امـك
يم علي الاكبر اودمه عانگه يوليـدي دمـك
اثنينكم يبني جمعكم ويجري دمعه حسين عمك
عــمــك حـسـيــن ابـعــازتــك
جـــســــام گوم ابـهــمــتــك
الـهــا لـسـاعـه امـــك رادتـــك
اشلون اعيفك راح اظلن يبني ياجسام يمـك
[/frame]