[mark=#00fff2]في رثاء الاكبر (ع)[/mark]
[frame="9 80"]
ناده حسين يبني انگطعت اظنوني
وين البيك يالاكبر يواسوني
من ودعت دنياك حيلي خذته اوياك
__________________
ياابو ايودع اوليـده الساحـة المـوت ابـأراده
حسين مـن ودع الاكبـر قـدوة الشبـان راده
ايوضح الكل شاب معنى التضحيه اومعنى الشهادة
للمعـركـه لـمـن نـــز ل- - -كل بطـل مـن عنـده جفـل
صاحـوا علـي هـذا الفحـل- - -مجـد داحـي البـاب عــاده
بيهم صاح شبه النبي اتعرفوني- - -ابن حسين افدي حسين بعيوني
نــادت امـــه حـيــاك- - -حيـلـي خـذتـه اويـــاك
__________________
ودع الاكبر حسين او له يبنـي ودع امـك
ڱاعده ابخيمتها تنحب خل تودعك خل تشمك
وهاي عمتك يبني الاكبر واگفه هم تبچي يمك
زيـنـب الاكـبـر شـافـتـه- - -للـحـرب لابــس لامـتــه
شـبگتـه ابلهـفـه وكلمـتـه- - -امـن المنيـه ويـن اظـمـك
عمته اتريد سالم بس يظل يمها- - -اتخاف اعليه يفجع گلبه لبن امها
كـلـنـا عـمــه نـفــداك- - -حيـلـي خـذتــه اويـــاك
__________________
صعبه لحظات الموادع الاكبر الميدانه گاصد
يفدي دمه گبل ابوه ينصر الدينـه يجاهـد
شاب بعده عالمنيه للشهاده ابعـزم رايـد
للحـرب مـن شــد الـعـزم- - -وتراجـفـت ذيــج الـزلـم
ابسيفـه يطشـرهـا اويـلـم- - -ماسلـم مـن سيفـه واحــد
عين حسين اوعين الام تباريله- - -صاح حسين ياليله الابنچ ادعيله
يبـنـي الـبـاري يـرعـاك- - -حيـلـي خـذتـه اويـــاك
__________________
اتفرعت بالخيمه امه تندعيلـه اوتهـل دمعـه
ربي يالرجعت يوسف وفرح يعگوب ابني رجعه
هذا ريحانة حسين البيتي الاكبر هـوه شمعـه
يـاربـي سـالـم عـــاوده- - -وتحرسـه مـن كيـد الـعـده
لاتفـجـع امــه اووالـــده- - -اوليدي خاف اوليـدي اضيعـه
من ابعيد ليله اعيونهـا تربـي- - -تصيح اشلون ماشوفن بعد دربي
هــم افـــرح ابـمــلگاك- - -حيـلـي خـذتــه اويـــاك
__________________
من ابعيد حسين ينظر شاف الاكبر عالوطيه
اتعنه وبلهفة الوالد گله يالرحت امن اديـه
يبني يالاكبر تراني حيل ماظـل بعـد بيـه
وحسين مـن يمـه گعـد- - -ايرجعـه لخيامـه استعـد
لاحيـل ظـل عنـده بعـد- - -ابنـه ماخذتـه المنـيـه
يبني بيك عدوانك يفجعوني- - -منك ليش يوليدي يحرموني
نحـرك ينـزف ادمــاك- - -حيلـي خـذتـه اويــاك
__________________
حسين للخيمه يرده ينزف امن النحـر دمـه
طلعن امن الخيمه ركضن عمته زينب اويه امه
أمه اتصيح آ يبني وزينـب شبگتـه اتشمـه
آ يـبـنــي أمــــه نــادتـــه
مـذبــوح الاكــبــر شـافـتــه
وحـسـيـن يـجــري دمـعـتــه
يجري دمع حسين لمن للخيم مذبوح جابه
[/frame]