كل قطرة دم يبن الزهرة من جون تناديك بحسرة
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
كبلك بفترة مذلـــة وعشت الاوقات الثجيلـــــة
والرغيف البيدي اغمسة وي دمعي الي اسيلة
عشت فترات الظلالة البية شاعت كل رذيلــة
ونورتني بنور وجهك يا علم طه وسليلـــــــة
لاتمنعنــــــي لاتمنعنــــي حبك يحسين اليدفعنـــي
من ظمن اصحابك سجلني
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
جدك المختار اشوفة بيا وجـــة واني الخذلتـــــة
وشرد اجاوب من يكلي ابني بالطف هم نصرتة
هم نصرت حسين بالطف لو وحيد هناك عفتــة
نطيني يبن الزهرة موقف يوفي للهادي وعترتة
خليني بميدان طفوفــك ما تكدر هالروح تعوفــك
وحدك بين اعداك تشوفك
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
ومن ارد عالحوض وتصد عيني حيدر شرد اجاوب
بيا سبيل وحجــــة مني كـــــاصد وعالماي اطـــالب
وانـــة عفتك ظامي بالطف ودارت عليك النــــوايب
هـــذي يحسين وحياتك اظنــــة من كــــل المصايب
بالطف خل يتعطر جسمي ويبيض وجهي ويثبت اسمي
فوك الطف خل ينزف دمي
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
شنهو من بضعة محمد فاطمة الحــــــرة عتذاري
يا شفيعي يوم حشري فية لــــــــــو طال انتظاري
هذي يبن الزهرة صعبة وما وصل هالحد قراري
وحدك ويالكوم اعوفك هذي مــــو ظمن اختياري
جفي بقصعتكم يامــــه امتد وهســــة النصرتكـــم يتردد
خلي اسمي ويصحابك ينعد
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
اذا للحومــــة ماتكصـــد رجلي وتنـــزل الميدان
باجر عالسراط شلــــــون تثبت يا شذا الايمـــان
وابو محمد اذا يســــأل عنك يا عظيم الشـــــــان
شجاوب وانه برض الطف عفتك سيدي عطشان
شنهو العذر منبن الزهرة وانه العفتك فـــوك الغبـــــرة
خليني اخدم اهل العترة
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
اطفالك والخدر تربي والعسكــــــــر مالي الصوبين
والناصر شح بيك الناصر خليني وياكـــــــم يحسين
نا ديتك بضلوع الكوثر وبطبرة فـــــــــارس صفين
خليني انزل لرض الحومة ونصركم من اجل الدين
خليني استشهـــــد بحضانك وحضني وضمني بـــذرعانك
ما عوفن يحسين اوطانك
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
لخادم الامام الحسين علية السلام / صادق الجبوري