[عدنان الحمامي]

بسمه تعالى

سلام عليكم

اهدي ثواب هذهالقصيده الى روح المرحومه نجاة اسئل الله ان يحشرها مع محمد وال محمد ص

ويلهم اهلا وذويها الصبر والسلوان انه سمع مجيب ومواساتي الى والدة الفقيده وجعله خاتمة

الاحزان ان شاء الله ويجبر خاطرها يارب


--

--

--



--


--


لعدم التوفيق في تكملة الموضوع عدة مرات في هذه الصفحه بسبب النت

قررت ان اكتب هذه القصيده لعقيلة بني هاشم

ثوابهل للفقيده ربي يحشرها مع من تحب ان شاء الله

--

--

البحر الطويل

--

--

عمت عين المتبچي اعليچ -- يم الحزن يالكبره

حملتي كل دواهي السود -- وگلبچ مانفذ صبره

--

حملتي الماتحمله اجبال -- ياصبرالمثل صبرچ

وياگلب الخزن لوعات -- يازينب مثل گلبچ

شمصعبها الرزايا اعليچ -- نهضتي ولاحنن ظهرچ

يتيمه من زغر سنچ

مامال الحزن عنچ

يحره او لاسكن ونچ

من يوم الضلع بالباب -- كسروا لمچ الزهره

---

من يوم امچ الزهره -- عن عينچ بدرها غاب

بعدچ بالثياب السود -- وگلبچ ينفجع بمصاب

يوم الصابوا الكرار -- ابوچ وطاح بالمحراب

امصاب امچ قبل شفتيه

وابوچ اليوم ودعتيه

ثاني امصاب واحملتيه

جرحين ابدليلچ صار -- وبيه تتواگد الجمره

---

ظلت جمرة الاحزان -- تتواگد ابدلالچ

بنيتي عالحسن وحسين -- يزنب صرح آمالچ

لن غيمة النكبه اتعود -- وچبد ابن أمچ أگبالچ

اينازع للحسن شفتيه

من شدة اصواب البيه

طحتي اعليه وحظنتيه

يخويه اصواب البچبدك -- اظنه بعد مايبره

--

گبل ميودع الدنيه -- أخوچ الحسن وصّالچ

گمر هاشم ودگ صدره -- اشحده الينظر اخيالچ

اخوچ اتوزم بامرچ -- عزيزه وگام يبرالچ

لاچن من عزم عالراي

ابطف كربله ايجيب الماي

صحتي من عمت عيناي

من طاح العلم والجود -- وحسين انكسر ظهره

--

ظهري انكسر ياعباس -- صاح ابن امچ اتسمعين

اشلون بهل المصيبه شلون -- من شفتي وحيد حسين

يزينب صعب هالموقف -- هم صبر البگه اتحملين

ونتي واگفه اگباله

وگام ايودع اعياله

وسلم بيدچ اطفاله

شگال الگلب ساعتها -- يزنب من طلب مهره

--

ركب مهر حسين -- يزينب لازم ايودعچ

يبن امي ندهتي اعليه -- ومن عينچ يهل دمعچ

يخويه خل اشم نحرك -- تگليله ابوصية امچ

وگلبج راح ويه حسين

والجيته شبحتي العين

ومن رد المهر بالحين

نشدتي وگال يازيب -- ابو اليمه انگطع نحره

--

يزينب عگب ذبح حسين -- حريمه لاذن ابكترچ

وگمتي اتشاگفين السوط -- يحره عنهن ابمتنچ

چم طفله التصبريها -- وچم طفل الشبگ صدرچ

وبضلّچ سكن روعه

ابعزمچ نشفت ادموعه

يزينب ونتي مفجوعه

ابيا عين النظرتي اهلچ -- كلها امذبحه عالغبره

--

كلها امذبحه ورحتي -- يزينب تنزف اجروحچ

وراس حسين والعباس -- جدامچ خذن روحچ

ولاهاد الگلب ونه -- ولامنچ بطل نوحچ

لچنچ شامخه بعزمچ

حويتي كل سجايا امچ

وحجي الشمات ماهمج

يوم اوگفتي بالمجلس -- وللظالم صفت عبره

سيد عدنان الحمامي