من جاري دمـــع العين ***** نتمنــــة نسكي حسيــــن
وجود الوكع فوك النهر ********* وكـل طفلة لو طفل انتظر
نتمنة يحسين
*** ـــــــــــــــــــــــــــــــــــــــــ***
اتمنة ترجــــــع دنيتك وتعيد امســه
وتمنة لتراب الطفوف بجفي امســه
يامن عقيدت كل شخص بيكم امسـه
يا صفوة الله منالخلق حبكــم هداية
بيكـــم ثبت اســـم القســم وبجدكـــــم الدين نختـــــم
نتمنة يحسين
*** ـــــــــــــــــــــــــــــــــــــــــ***
تتمنة توصل كربلـــــــة وتشوفـــك العين
جا شكت بطفك نهر وتصير الـــــك عين
وكل رمش نبلة وتنضرب لو شح المعين
وسور يغدي جفن ودمـــــــع بالغاضرية
لـــو يقســــم بها القــــدر نرويكـــم بماي النظــــر
نتمنة يحسين
*** ـــــــــــــــــــــــــــــــــــــــــ***
ريت الطفــــــوف بكربلة نكــــدر نصله
ونشوف ضربت جبدتك ونســـــل نصله
يحسين هالضربه العرش هتز ونص الة
وتخضب بدمــــــــه النبي يبن الـــولاية
من فوك مهرك من طحت ظامي وحـــك جدي صحت
نتمنة يحسين
*** ـــــــــــــــــــــــــــــــــــــــــ***
ياريت سهم المشرعـــــة عينه خطـــاها
عباس بالطف خوتة بالـــــدم خطــــــاها
كل خطوة صوب المشرعة لمن خطاهـا
وكاصد بجــودة عللنهر داس المنايـــــه
تمنينة من ماي النظـــــر نمليلـــة لــــو خانة الدهــــر
نتمنة يحسين
*** ـــــــــــــــــــــــــــــــــــــــــ***
كل نكبة تمضي وتنجلي ويزول المهه
والغاضرية بكـــل كلب يكثر المهــــه
بيه الاطفال تشـردت ياهـــو اليلمهـــه
وياهو اليروي بكربلة ذيج الظمايـــــة
خـــــدر حــــرم متيتمــــة وطفـــال بالبــــر هايمـــة
نتمنة يحسين
*** ـــــــــــــــــــــــــــــــــــــــــ***
*** ـــــــــــــــــــــــــــــــــــــــــ****** ـــــــــــــــــــــــــــــــــــــــــ***
لخادم الامام الحسين علية السلام / صادق الجبوري