[mark=#5075ab]في الاربعين[/mark]
[frame="9 90"]
گوم اتلگه اضعونك گوم- - ردت يمـك يامظـلـوم
جرح امصابك ينزف بيها- - اگعد يحسين اوواسيهـا
_________________
ياجرح المصاب اللي نزف بالشام- - -ياجرح الطفوف المابعـد يلتـام
ياعبره هظم بصدورهـا الايتـام- - -يادمعه ارامـل بالجفـون اتنـام
دمعـة مظلـوم اتهـل جـمـره- - -ياخاطـر مسـكـور اتجـبـره
ايتـامـك ياظـيـم اعلـيـهـا- - -اگعـد يحسـيـن اوواسيـهـا
_________________
يحسيـن الارامـل ردت الگبـرك- - -عن جور اليسر وهمومها اتخبرك
من يوم المشت واعله الترب نحرك- - -ماعدها صبر وانطيها من صبـرك
والتبقـه ابـلا والـي اشـلـون- - -فگد الــوالــي لامـيـهــون
يحسـيـن وانـتــه والـيـهـا- - -اگعــد يحسـيـن اوواسيـهـا
_________________
واليها اوچنت يحسين ترعاهـا- - -وماترضه تهل ادمـوع عيناهـا
اشلون اتروح هيه ابولية اعداها- - -وچتالـك حـده للشـام باراهـا
يـم ايزيـد اعيـون اتشـوف- - -جور اوظيم اوقسـوه اوخـوف
الهالصـوره اشـراح اينسيهـا- - -اگعـد يحسـيـن اوواسيـهـا
_________________
من گبر الگبر واجـدام تتعثـر- - -ليله اتصيح يبني ياعلي الاكبر
صعب فرگاك والفرگاك ما اگدر- - -رحت عني يغالي اوبيش اتصبر
وام جاسـم اتـهـل ادمــوع- - -جابت حنـه اوياهـا اشمـوع
لچفوفـه اتـريـد اتحنيـهـا- - -اگعـد يحسـيـن اوواسيـهـا
_________________
خويه امن الرباب اتفجر المدمـع- - -صاحت صوت يبني وگلبي يتگطع
وين ابني العفته ابنبلته يرضـع- - -چان اهناك يم حسين بالمصـرع
حن صدر امـك يبنـي اعليـك- - -ياعـبـد الله ويــن الگيــك
اتريـده العبـد الله ايناغيـهـا- - -اگعــد يحسـيـن اوواسيـهـا
وانه اختك يخويه اشلون بيه اشلـون- - -اصبروا الصبر يحسين خاف ايخـون
الأخو لوراح فگده اعله الاخت ميهون- - -ادوّر عالكفلنـي ابيالحـد مـدفـون
احچي الـهـم البـيـه الـصــار- - -مارحـمـوا اخـتــه الاشـــرار
ابـولـيـة ظـــلام ايخلـيـهـا- - -اگعــد يحـسـيـن اوواسـيـهـا
[/frame]