[ياعلي مدد]

اليوم ردت فاطمه

اليوم ردت فاطمه دم تهمل العين
تنشد بوادي كربله عن الجثث وين



اليوم ردت علجثث تنشد الزهره
وتصيح دلوني عله المذبوح نحره
علمات عطشان ورمح نابت بصدره
وينه اليدليني على ابن الميامين



وصلت حسين وتنتحب وتصيح ويلا
هاي البدور مذبحه ومطرحه هنا
ونحنت تبجي اعله النحر وتشم ثنايا
وتكول يازهرت زماني اليوجعك وين




وكامت تدور بلجثث عن علي الاكبر
لنه شبيه المصطفى طايح موذر
وجاسم بسده جلبدر علثره مكنطر
صاحت يويلي شبولنه تذبحو ظامين



كصدت لشاطي العلكمي والدمع يجري
وتصيح وين ابني الجفيل انذبح مدري
ريت ابدل نحرك ييمه انكطع نحري
وجفوفي مني اتكطعن ياناصر حسين



صااحت يزينب وينج ولطمت عله اراس
عكب الدلال ميسره وتشوفج الناس
هذا الجفيل مكنطر ومذبوح عباس
من عكب وليانج يحره وين ترحين