[جارية العترة]

[mark=#7743ba]
في الاربعين
[/mark]

[frame="9 90"]

يوم اربعينك يحسين- - -ليـك اجـت امـك

گعدت تهل دمع العين- - -فاطـمـه يـمــك

گلـهـا لتـبچيـن- - -جاوبهـا يحسـيـن

_________________

هاي امك اجت وتشمشم اترابك- - -يعصرها الألم يحسين بمصابك

صارن اربعين انهـار بغيابـك- - -لاتعتب تهيج الضلـع بعتابـك

يـم گبـرك الزهـره تنـوح- - -وتــهـــل دمـعــهــا

ينـزف صدرهـا المـجـروح- - -هــيـــج ضـلـعـهــا

امـفـارگتـك اسـنـيــن- - -جـاوبـهــا يـحـسـيـن

_________________

گعدت بالنياحـه فاطمـه الزهـره- - -گبره حظنته وخدها علـى گبـره

تدري اعله التراب من اندفن نحره- - -ملهوفه گلب بـس رادت اتنظـره

رادت جسـمـه اتعـايـن لـيـه- - -جــروحـــه تـعــدهــن

اتگلب صـدره اتشـوف اشبيـه- - -ضـلــوعــه بـعــدهــن

چم ضــلــع امـكـسـريـن- - -جـاوبــهــا يـحـسـيــن

_________________

على اتراب الضحايه توگع الدمعه- - -تبچي فاطمه اعله ابن الحسن تنعه

شافت ثوب عرسه وشافت الشمعه- - -ويمها حنته وعمامتـه اودرعـه

چن ذاك الـثــوب الـجـسـام- - -والـشـمـعــه يـــمـــه

عـريـس اوعـرسـه مــادام- - -حــنــتــه ابـــدمـــه

صــاحـــت يـطـيـبـيـن- - -جـاوبــهــا يـحـسـيــن

_________________

التفتت شافت ارماد الخيم بعـده- - -وعبد الله تعاين محترگ مهـده

وين ابياكتر من اندفـن لحـده- - -كلها اگبور بيها اشبولها اموسده

تنشـد گبـر الاكـبـر ويــن- - -يـالــحــد ظـــمـــه

مـن ياگبـر تبـدي امنـيـنتــرابـــه تـشــمــه

ورادت الچفــــيـــــن- - -جـاوبـهــا يـحـسـيــن

_________________

عالعباس نشـدت ياگمـر وينـك- - -صدگ گالوا طفوها بالسهم عينك

صدگ گطعوا يسارك يبني ويمينك- - -يبوفاضـل ادوّر جيـت چفينـك

عالمشرعـه اسمعـت اهـنـاك- - -گالــولـــي ظــلــيــت

جــودك يعـبـاس اويـــاك- - -ولـلــخــوّه وفــيـــت

لايــســره لاايـمــيــن- - -جـاوبــهــا يـحـسـيــن

_________________

اريد الگبر ابوفاضل اظل يمه- - -ابلهفة ام لبنها اورايده اتشمه

واعزي ام البنين الجابته أمه- - -هذا اللي لخيه مابخـل دمـه

بـلچن زينـب الگه هـنـاه- - -والـعــزه امـنـصــب

هـاي اللـي چانـت بحمـاه- - -مـهـيـوبـه زيــنــب

يحرسـهـا كــل حـيـن- - -جـاوبـهـا يـحـسـيـن

[/frame]