[جارية العترة]

في الاربعين


[frame="9 80"]
ملهوفه اختك ليـك- - -يبن امي وين الگيك
يحسين الك ايتـام- - -ردّتلك امن الشـام
يبن امي وين الگيك

_________________

اربعينـك صـار يومـه- - -عوّد امن الشـام ظعنـي
خويه جمر امصابي يسعر- - -بالگلب كلسـاه لسعنـي
للظعـن ناديـت گومـو- - -يخوتـي محـد سمعنـي
بس رماد اخيامي شفتـه- - -وبعده ذاك الدم فجعنـي
دم اورمـاد اتـشـوف- - -عيني اوصّـور للخـوف
وازدادت الآلام- - -ردتلـك امـن الـشـام

________________

هـذي لوعـات الچبـود- - -اللي اجت يحسين تنعـه
چم طفـل عنـدي يتيـم- - -ابعينه لاجت خويه دمعه
ياطفل يحسيـن اصبـره- - -بيش اصبره اشلون اقنعه
ويايه ام جابـت لبنهـا- - -امن اليسر وياها شمعـه
يم گبـر ابنهـا اتـدور- - -تعـلگ شمـع وبخـور
امـك صحـت جـاسـم- - -ردتلـك امـن الـشـام

________________

يبني يفجعني الزمان- - -وشمعتك طفاها يبني
فـاگده ام لولـدهـا- - -بالحزن وبظيمي ذبني
وليدي يازهرة حياتي- - -زهرتي مني سلبنـي
هم صدگ ليه الزمان- - -ايعود ووليدي چهبني
اظلـم عليـه الـدار- - -صار اربعين انهـار
جفن امـك المانـام- - -ردتلك امـن الشـام

_________________

هذي ليله اتريد الاكبر- - -خويه يحسين اشمصيبه
وانه محتـاره شگلهـا- - -امنين الاكبر ليها اجيبه
اختك اوگبعني ظيمـي- - -گلبي لو تسمع نحيبـه
چا گلـت الله اليعيـنچ- - -يختي زينب يالغريبـه
اسمـع انيـن الـروح- - -ياخويـه يالمـذبـوح
زينب صـدگ تنظـام- - -ردتلـك امـن الشـام

________________

خويه لو تگعد واسولف- - -تبچي يحسين اعله حالي
ابلهفتي يمتـه اردلـك- - -امن اليسر واحسب ليالي
ابچي كل ليله التجينـي- - -صورة الطـف ابخيالـي
آنه اخت عباس اگولـن- - -ضيعت عـزي اودلالـي
عـبـاس ويــن الگاه- - -عنـدي عتـب ويــاه
لختـه اشعجـب مـاگام- - -ردتلـك امـن الـشـام

_________________

وينه عباس ارد اعتبه- - -واشتكي ظيم العليـه
اخته واشتاگيت اشوفه- - -هوه هم اشتاگ اليـه
ماگعد وتـلگه ظعنـي- - -چا نشدني عن رقيـه
اويايه هالطفله تريده- - -سكنه بت حسين اخيه
مظيومـه ردت ليـه- - -شچايـه وتـشچيـه
من روعـة الظـلام- - -ردتلك امـن الشـام

[/frame]