[عدنان الحمامي]

بسمه تعالى

سلام عليكم

--

--

--

ياصوره ياصوره -- بعيوني ياصوره

آنه عليل وشاهدت -- بعيوني ياصوره

--

ياصوره بعيوني انظرت وانساها -- روس أخوتي اعله ارماح وآنه اوياها

لو عمتي وتشاگف بسوط اعداها -- وآنه اعاين هالعدو اتولاها

شتموها شتموها -- بت علي شتموها

هالنايبه اعليه اصبرت -- بعيوني ياصوره

--

شفت المصايب والالم برض الدم -- شفت العدو بخيله علينه اتقدم

شفت الرضيع امن الذبح مايسلم -- السان المآسي بهل المحن يتكلم

عن حالي عن حالي -- يرويها عن حالي

چم عثره بالحومه اعثرت -- بعيوني ياصوره

--

أتعثر ابين الجثث ابين الخيل -- متناثره أجساد ودمه انحور اتسيل

خان الصبر بيّه انهدم مني الحيل -- وليل المآسي خيم اعلينه اليل

مرعوبه مرعوبه -- چم طفله مرعوبه

ضاعن اعليهن دورّت -- بعيوني ياصوره

--

طفله تفر من الخيم مستعره -- وبذيالها نار المصيبه اموجره

راحت لبوها حسين شبگت نحره -- راسك تگله وينه يبن الزهره

بچتني بچتني -- هالطفله بچتني

اتسولف اويه الجثه انظرت -- بعيوني ياصوره

--

انظر بعين الفاجعه واتحسّر -- لو صخر چان أمن المآسي اتفطر

لمن شفت جاسم او يمه الاكبر -- وعمي ابو فاضل ابدمه امعفر

چفينه چفينه -- من شفت چفينه

ساعتها عالموت اشرفت -- ياصوره بعيوني

--

للكوفه اخذونه يساره ابياحال -- كل الارامل بالحزن والاطفال

ايباري ضعنه هوه نفس الچتال -- بحبال چتفوها اليتامه بحبال

قيدوها قيدوها --بالحبل قيدوها

عماتي وأعليهن خفت -- ياصوره بعيوني

--

سيد عدنان الحمامي