يمن سيفة اشكثر عدوان جفة
ياعباس زودك وفة جفــــــة
انة زينب يمن مكطوع جفة
اضمد جروحك والامي بية
*********
يبو فاضل .......... يبو فاضل
كلبي من الهم اشايل
بحر جرحي وكلب محتار ..... اجيت همومي سبكتني
اجيتك وبكلب يشكي ..... على اعداك الـــــــــي اذتني
يخوية اشلون انة الحرة ..... بسوط العدا ضربتنـــــي
ناديت وصحت عباس .... خوية الكوم هضمتنــــي
يبو فاضل .......... يبو فاضل
اجيتك وبكلب سائل
اخاف احجي وتكول اختي ..... اجتي اتهيج اجروحي
جنت يم الشهيد حسين ...... اخبرة بلوعتي ونوحـــــي
لكيتة مخضب ابدمة ..... اخذ عكلي وسلب روحـــــي
يخوية وياضوة عيوني ....ابفكدك طاحت اصــروحي
يبو فاضل ......... يبو فاضل
اجيتك محملي مايل
يبو فاضل وانة كلبــــــــــــي ..... يسعر من لهيب النار
يخوية ضربوا امتــــــــــوني .... وشتموا والدي الكرار
تفجر صدري بالحسرة ..... والشخصـــك رسمت افكار
تمنيت بحضورك كــــــــــون .... وبيدك رافـــــع البتار
يبو فاضل .......... يبو فاضل
اجيتك والدمع هامل
اجيتك والدمع بية ..... اريدك تنضر الحالــــي
اجيتك انة وايتامي ..... بجروح ودمع هالــــي
يعباس ودمــوع اتسيل ..... والحسرات تبرالي
عكب ذيج المعزة وياك ..... ضاك بهمة دلالي
يبو فاضل .......... يبو فاضل
اختارك والدي كافل
يخــــــــوية من طحت انت ..... طاح حسين عالغبرة
سبتنـــــي خوية عدوانك ..... بعدكـــم ماصرت حرة
خذوني وعيني تنظركم.....وهاجـت بالصدر جمرة
واشـــوف احسين كدامي .... منحز السبــــــط نحرة
يبو فاضل .......... يبو فاضل
نخيتك والكلب ذابل
شريد احجي وانة جروحي .... غميكًة وتسعر بدمــي
واشوفك عالثرة مخضب .... جثة وعالنهر مرمــــــي
واخوك حسين هالمذبوح ..... وشفت دمعت جفن امي
اجيتك رايدة اشكيلك ..... يخوية من كبر همـــــــــــي
يبو فاضل .......... يبو فاضل
صبر كلبي وبقة يناضل
خادم اهل البيت 
احمـــــــــــــد رفيش