العقيلة انة وصرت بالحزن والهـــــــــم
وكًضيت العمر اجرع صبر والهــــــــم
اكًبالي وصعب اوصل بعد والهـــــــــــم
إخــــوتي وضنـــوتي بهاي المسيــــــــة
***********
عليك الكلب ون بسكوت ونـــــــــــــــة
والكافر يصد اعليك ونـــــــــــــــــــــة
اعيالك تنسبي يحسين وانــــــــــــــــــة
امتوني توسمت بسياط اميــــــــــــــــة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومني هد حيلي
وعليه اعداه ملتمة
شكلك ياعلي ومنين ابدي منين .... بالعباس ابدي لو عضيدة حسين
اذا عباس يابوية فكد جفين .... وبعد ميشوف صابـــوه ابسهم بالعين
طاح وطاح كلبي وياه **** وحسين الكمر ينخاه
وبحضانة السبط ضمة **** وعليه اعداه ملتمة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومني هــد حيلي
وعليه اعداه ملتمة
يحيدر شفت ابو السجاد بالميدان .... وأنصاره جثث صارت على التربان
يبوية وعالنهر نايم كمر عدنان .... وضل حسين وحدة وكلهة اله عدوان
سمعته يصيح وبعبرة **** الا من ناصر أينصرة
يبوية وزاد الة همة **** وعليه اعداه ملتمة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومني هد حيلي
وعليه اعداه ملتمة
وضل وحدة غريب حسين بين اعداه .... لا ناصر يبوية وحامـــي ضل وياه
واحس من العطش نار وسرت بحشاه .... واسمعة يندب الجدة بحزن وبأه
من شاف الضمة هدة......ندب ياوالدي جدة
وعلى أمصابة ذكر امة ****وعليه اعـــــداه ملتمة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومني هد حيلي
وعليه اعداه ملتمة
ابو السجاد ياحيدر بكًة وحدة .... ونار البيه تسعر مـــــن ضمة جبدة
اجاني وكًلي يختي للعمر مدة .... وخلص عمري يزينب هذا لي حدة
يزينب جيت اودعكم **** يخيتي وما ارد الكم
صرنة نودعة وانشمة **** وعليه اعـــــداه ملتمة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومنـي هد حيلي
وعليه اعداه ملتمة
شحجيلك يحيدرمن مشة عنة ..... طاف اجيــــوش امية وعينة لخيمنة
واحس اعيونة يا حيدر تودعنة .... واحس اعيون سالت من دمع امنة
احسهة اتكلي يالحرة **** هذا حسين عالغبرة
وييمة هالنزف دمة **** وعليه اعداه ملتمــــة
يحيدر طاح ابو اليمة **** وعليه اعداه ملتمة
يابوية وكمر ليلي **** طاح ومني هد حيلي
وعليه اعداه ملتمــــــــة
خادم اهل البيت ع
احمـــــــــــــــد رفيش