[عدنان الحمامي]

بسمه تعالى

سلام عليكم

--

--

--

يانعمة وجودك سيد الكونين

ياسر الاسرار الماحصاهن عدّ

ياقدس القدس ياهيبة الجبار

ياقبضة القابض يامنيع السد

ياألفه ومحبه ورحمه من سواك

ياأسم الودود اليك يتجسد

يالوحة الباري البيها خط الكون

وسبعه امن السماوات العلى عدد

وسبعه امن الجنان وعرش والكرسي

وقلم واللوح بيه كلشي انكتب ونعد

وشماخلق الله من الافلاك وزاد

كلها ابنص حلقتك غدت تتعبد

ماگولن تهدم طاگ كسرى وطاح

وماگول المجوس ونارها التخمد

وماگولن جهنم بابها ايسدوه

وماگول الجنان وطيرها الغرّد

ولاگول الگمر شد حيله بحزامين

وسواها نهار وخاف ليله ايرد

ولاگول الشمس تتمرد ومتغيب

لجل امحبتك اتريد الضوه سرمد

اگول شلون گاع المنك انخلقت

تحملك ياعجيبه شلون ماتنهد

اذا واحد يصلي اعليك يمولاي

يطب الجنه ولله وابد ماينرد

صلوا اعله الحبيب السره مامعروف

بس حيدر والله ومياعرفه احد

--

سيد عدنان الحمامي

توقيع عدنان الحمامي