يا اه وحزن موجــود بالــدلال ...... ويا اكبر جرح ما يشفى لا هيهـات
وضحت الخلود بدمك السيال....... والمات اعلى حبك لا ابد مامـــات
ابتسم دمك يبو السجاد بجة سيـــوف ..... وصفن بعيونك انت الموت واتبســـم
وكاع ارض الطفوف اتوجت برجليــــك ..... وجبل ذاك الظلم من صبرك أتهـــدم
يمن جيشك صبر وجروحكانت جنـود..... وبيها انت اعبرت كلفات جور الهـــم
وعطش جبدك جمر طفيتة بالايمـــــان ...... وصرت ينبوع كوثر سيــــدي وزمزم
وانت اكبر جرح متوضي بســـــم الله ...... راكع بالصلاة بدمك اتيمـــــــــــــم
وجرح يحضن جرح بجروح اهل البيــت ..... وجرحنة يا حسين ابجرحك اتلثـــــــم
نكثت اردانك انت الدنية جنها اتراب ......ودمع عينك نهض واغتــــاض واتحزم
وكف جالسيف صار ابجفك الفقـــــــــار ..... ونثرت الموت والشخصك رجع والتـــم
رويت الديــــن كلة بنحرك المذبـــــوح ......وشلت رمحك براسك فوك هــام الدم
جم كافر اجاك وعمية بيه العيـــــــن .... وبجت عينك عليه ومــــــــا ابد يندم
الف سيف اعترض نحرك يبو السجــاد ..... ونحرك للسيوف ابدمــة ما يهتــــــم
وبقيت الوالــــــد الهالدين يا مـــولاي .....رفعتة بنحرك انــت وبعدك اتيتــم
@@@@@@@@@@@@@@@@@@@
خادم اهل البيت 
احمد رفيش