احذرك يايزيد اياك ويــــــــاك
انة بت علي ياحيف ويـــــــاك
لون موجود اخوي اليوم وياك
يهد الكون كلة اعلى الوطيـــة
********
صبر سيف الصبر صغتــه لليروح
ودرع دمعات دلالــــــــــي لليروح
اخوتي وجم طفل ضامي للي روح
وعليهم هالصبر دمعاتــــــــي بية
************
عليهم صبري هم ينحب بالاهات
ياخذ هالدهر مني بلا هـــــــــات
ويدور الكون بايامة بلاهــــــات
ويدور وي الزمن بالهم عليــــة
************
يدور الكون ما بي راحة منـــة
ومنة الراح لا ماراح منـــــــة
يم الهادي جدنة راحم انـــــــة
وخصم كلمن ظلم ولد الزجية
************
خصم للي ظلم هادينة والـــــه
ويحب الحب حبيبة ومنة واله
لحسين اليعشكة وبعد والـــــه
ابو السجاد والحيدر ابيـــــــة
************
ابو السجاد والوالد علينـــــــــة
بالعز والفخر بيهم علينـــــــــة
احنة المنة بينة وهم علينــــــة
محسوب اليواسي امة الزجية
******
خادم اهل البيت 
الشاعر احمد رفيش