[عمار جبار خضير]

اشوف اوجوه مسروره بهاي الليله مبتشره
وصواني شموع ويه الياس وزينه معلكه وسهره
بفرح غامر شفت اطفال اجت بالشوك متحضره
واسمع من بعيد الصوت ديوان الشعر يقره
ولن مجبل علي فرحان يهنيني ويطش بشره
المن هالحفل معقود سالته وروحي متحيره
تعجب كال ما تدري بهاي الحادثه الكبره
جاوبني وشهك عبرات وادموع الجفن اجره
هاليله بجمادي الخير انولدت فاطمه الزهره
ــــــــــ
مشينه لمولد الزهره وسرنه
مولد بالفرح هزنه وسرنه
اذا تنظر ظواهرنه وسرنه
تشوف ولاية الزهره الزجيه
----
بتول وفاقت لكلثم ومريم
نزلت هل اتى بحقها ومريم
اعرج تدري بفكاري ومر يم
ذكرها وبيه اشعاري زهيه