اللهم صل على محمد وآل محمد وعجل فرجهم والعن أعدائهم
بسم الله الرحمن الرحيم السلام عليكم ورحمة الله وبركاته
قبل فتره حلمت إني كنت أكلم بيت عمتي بالتلفون وبعدها فجأه انقطع الخط معاهم وصرت أكلم أبوي هو متصل وهو مع أمي كانوا رايحين يحجزون تذاكر سفر بالطياره سألني أبوي قالي لكربلاء ولا للعباس ولا للرضا نروح ؟ كنت أفكر إني أقول له لهم كلهم لكن قلت بسأله إذا بياخذنا أنا واختي واخواني معاهم أو بس هم بيسافرون في هذي اللحظه أمي سألت أبوي وهي مبتسمه تقول له شنو اختارت ؟ قال لها ساكته ماردت وعاد علي السؤال قلت له بتاخذونا معاكم ؟ وبعدها جلست من النوم وماجاوب لكني استغربت من هذا الحلم ليش أنا بالذات ياخذون رايي ؟ وليش الخيار كان يقتصر على هذي الأماكن الثلاث لكربلاء جا في بالي إن يقصد للإمام الحسين وشنو تفسير هذا الحلم ؟ نسألكم الدعاء