[عدنان الحمامي]

بسمه تعالى

سلام عليكم

--

--

--



يسجان السجن لا لا تسد بابه

اجتي امواجهه للكاظم احبابه

--

يسجان السجن فك بابه وتأنه

عزيز وغاب لارد كل خبر عنه

دورنه السجون ابكل كتر عنه

مدري بياسجن وينام بتراتبه

--

مدري ابياسجن بالبصره لو بغداد

وبقيد الحديد وقسوة الجلاد

هذا ابن النبي وللناس باب امراد

والوادم الداره اتقبل اعتابه

--

ياسجان عدنه امواجهه وياه

غالي الكاظم وبلچن صدگ نلگاه

هاي اسنين غاب ومابعد شفناه

وصعبه اعله العزيز ايطوّل اغيابه

--

بلچن نطمئن لو ننظر الوظعه

صدگ محروم حتى من ضوه الشمعه

ياسجان يشتم الهوه طلعه

جبنه افراش اله ويبدل اثيابه

--

ياسجان خاف ابسجنه يتألم

وبساگه الحديد او يجري منها الدم

حيل امنين ظل بالكاظم اتهدم

ذنبه اشچان خصمه للسجن جابه

--

ياسجان ذنبه اشچان مترحمه

مو هذا الزجيه فاطمه امه

حجبته شلون هاي اسنين وتظمه

شمسوي ذنب ينحبس وطلابه

--

شمسوي ذنب كل ذنب ماعنده

مو هذا غريب ابغربته وحده

بس لتگول بالسم مردوا چبده

مو هالدنيه كلها الكاظم اتهابه

--

-- سيد عدنان الحمامي






التوقيع