[زاهر المعموري]

اللهُم صلَ على سيدنا محمد وعلى أله الطيبين الطاهرين,,
نهنئ الآمام الحجة المنتظر(عج) وعلمائنا العظام وكل شيعة
أهل البيت(ع)..بذكرى ولادة أبا الآحرار الآمام الحسين(ع) وأبطال كربلاء
وابا الفضل العباس والآمام علي السجاد ,,

فأليهم أهدي أبياتي:

اليوم جهزت القلم يكتب فرح-----والقوافي والآوزان بهالخبر فرحانه

آتعجبت الدمعة أبجفننه موطبعها-----عادة تنزل لو ذكرنه حسيننه وتبلانه
أتبسمت كل الملائك والنسائم-----والخمائل وية ضحكتنه أطلعت خجلانه
اليوم أبو الآحرار نوره اللي يشع-----بجده الباري وبدينه أهدانه
الجابته أطهر نساء الكون-----عفة ونزاهة للخُلق عنوانه
فاطمة الزهرة بنت أكرم نبي-----زوجة الكرار للحق والعدل ميزانه
هذا أبو اليمة أبن حيدر علي-----أنولد سبط المصطفى وريحانه
أسمه من رب العرش لمن نزل-----جبريل نَزل تربته وراوانه
شاله النبي فرحان بس دمعه ذرف-----باسه من نحره وطول العمر بجانه
حقه الفرح متعجب الليلة وصفنْ-----متعود بشيعة علي حزنانه
شهر شعبان بفرح نستقبله-----أنوار مولودة وضوت بدمانه
آنولدت الآحرار بيه من أهل طه-----ونورهم شامخ يظل بسمانه
شيعتك يحسين هالليلة أفرحتْ-----وصاحتلك من الغُرب لبيك يامولانه
كل حسيني اليوم من قلبه فرح-----وردد بيوم الحشر حاشاك ماتنسانه
كلهة خُدامك أجت تنثر ورد-----يالمحبتك يبو الآكبر أصبحت سلوانه
وبعد نفرح للكمر هم أنولد-----أبوفاضل وغيرته لسه بقت غيرانه
هذا عضيد حسين سبع الكنطرة-----اللي وكف عالمشرعة وحاد الكفر وأعوانه
سند لحسين وبيه آنتمت-----طيب وشهامة وغيرته خجلانه
ضم الخجل يوم الوصل يم النهر-----وجبود أل المصطفى عطشانه
فرحتنه وحدة اليوم بيكم سيدي-----حسين والعباس والسجاد همه أضوانه
واللي مايرضه ابفرحنه هوه حر-----ذولة آهل بيت النبي دنيانه
موبيدي ياناس ولون أكتب حزن-----هوة القلم وحده تهيم أحزانه
حسين ثورة وكفت بوجه الظلم-----وبأبائه مانخاف أمن الظلم خلانه
حسين أيثار ومجد للدين حامي-----حسين نهر الطيب وبنبعه روانه
والمايحب حسين ميحب النبي-----لآجل حبهم ربنا عز أنطانه
صدكو للولا حسين ماظلت كرامة-----والنواصب بينه آصبحت شمتانه
صدكو لولا حسين تييهنه الدرب-----والدين بأسم يزيد والنذل أبن مرجانه
جينا قدمنه التهانئ لبو صالح-----موبعيد وحاضر تراهم ويانه
جينا للزهرة نبارك بالحسين-----بفخر مسرورين ونجدد وفانه
ياريت ليلتنه تصير بكربلا-----وتنتهي الغربة والشوق ألك ودانه
بحيره نشكيلك سيدي من البعد-----وبينا داء بلا دوه يحسين أنته أدوانه
****بينا داء بلا دوه يحسين أنته دوانه****
خادم أهل البيت(ع) زاهر المعموري الحلي
بيرث-أستراليا 2010م
نسألكم الدعاء