[زاهر المعموري]

اللهُم صل ِ على سيدنا محمد وعلى أله الطيبين الطاهرين,,
مثل ماتنطر الشجرة يجيها الماي
منتظريك يامهدي ابدمع شكاي
----------------
نورك سيدي متوهج الليله***أفراح اوتهانئ ابشوك نهديله
الآنس والجان كل الكون يضويله

عشقنه بلا حدود الطلعتك مولاي
\-\
اليوم أبن الحسن العسكري مولود***بين اعيون أحبابه يظل موجود
نصيح ابصوت وينه يومك الموعود

نتباهه ابظهورك من نكلهم جاي
\-\
طول اعمارنه وبلهفة الك ننطر***يمولاي اورود ابطلعتك ننثر
حتى السما قطرات الفرح تمطر

أظهر يبو صالح دمي الك فداي
\-\
صُبرنه عالظُلم وكل الجره والصار***وانته ادره يبن العترة والآطهار
الآمل بيك انولد ياضنوة الآحرار

خادم الك فدوة اتصيرلك عيناي
\-\
الدنيا نورت بالمهدي يالحجه***نصف شعبان يومك صارت اللهجه
انته وعد ربنا وبيك نترجه

الآمر بيديك والله سيدي والراي
\-\
نشكي سيدي شوطالت الغيبه***وامقدسين شخصك ياولي انهيبه
يرتاب العدو واتصيبه الخيبه

يعادينه اببغضنه لو سمعنا بهاي
---------------
مثل ماتنطر الشجرة يجيها الماي
منتظريك يامهدي ابدمع شكاي
,,,,,,,,,,,,,,,,,,,,,
نسألكم الدعاء
خادم أهل البيت(ع) زاهر المعموري الحلي
استراليا2010م