[زاهر المعموري]

اللهُم صل ِ على سيدنا محمد وعلى اله الطيبين لطاهرين,,
تناظرت مع شخص عندما رأني اُصلي على التربة,,
وبدأت المساجلة بيني وبينه,, فنسجت منها قصيدتي هذه\-\

يلومنه عله حُبكم يانسل طه***ولآن حُبكم سره ابدمنه يكرهونه
نسجد عالترب بس ماعبدناهه****سمونه روافض وبعد كفرونه
التربة أنختمت بأسمك أبو اليمة****تجاوب بالحشر لمن يسألونه
تناقشني على السجاد هالمصنوع****مثل ماتسجد عليه يمكن تلبسونه
مُحمد من سجد سجاده من خوص****مومثل سجادكم ياللي تصنعونه
مع ذلك مااكلك تعبد السجاد****بس لاتكول الشيعة للميت تعبدونه
\-\
نزور الآضرحة وانٍْقدس البيهه****رغم حتى الموت اللي تزرعونه
نسجنه امن الدموع اللي ذرفناهه****صفحة طاهرة بالعترة مقرونه
ونسمي كربلا كل أرض دسناهه****والمنبر حسيني مانكدر ابدونه
مدينة علم طه وبابها الكرار****شما راوغتو موسهلة تغيرونه
بحب المصطفى والعترة مختصين****يسمونه روافض خل يسمونه
\-\
نفرح من فرحهم ونحزن من حزنهم****بعد نتخلى عنهم ليش تردونه
أوضح أية نزلت فيهم التطهير****كتاب الله بأيديكم ماتنكرونه
أذا كل أية تنزل وبذكر الآسماء****ماصار أختبار وللجنة ودونه
لكن حكمة الله ابخلق هذا الكون****حساب اوآخرة بالعترة مرهونه
\-\
خايف من ولاية علي أنته ليش****أبن عم الرسول او ضحه تدرونه
علي ابيوم الرسول الطيح الآصنام****رفع طه النبي اوخلاه على امتونه
وزوٌج بنته الطاهرة الحرة****أنعوج عدكم الحق والغيره تنصبونه
من بعد الغدير أنظلم حيدر ها****ونفس أسلافهم ليهسه ظلمونه
\-\
صُبرنه عله النوايب شيعة الكرار****وصار الموت عادة لاتهيجونه
خط أهل النبي وأتباعهم معروف****مقابلهه حقد تكفير تنطونه
نبدي بالحقيقة منين ولياوين****من آكلة الآكباد يله حاجونه
لو من دفعة الباب وغصب الحقوق****وضلع الدين بعد النبي اتكسرونه
لوطبرة علي امننغدر بالمحراب****ونعش الحسن بسهام التضربونه
لو رووس الآطهار ابكربلا انرفعت****وأحزان المئأثر بيهة شفتونه
تلومونه لو حزننه ابشهر عاشور****كل آيامنه عاشور خلونه
أذا عدكم بدر وأحقاده لليوم****واحدنه علي اببتاره تلكونه
واحدنه علي اببتاره تلكونه
************************************
نسألكم الدعاء
خادم أهل البيت(ع) زاهر المعموري الحلي