[زاهر المعموري]

اللهُم صل ِ على سيدنا محمد وعلى أله الطيبين الطاهرين,,
نهنئ الآمام الحجة المنتظر(عج) والمراجع العظام وكل موالين
العترة الطاهرة عموماً وكادر وأعضاء موقع الميزان خصوصاً,,
بولادة كريم أهل البيت(ع) الآمام الحسن(ع) ,,
كتبت بأسم الحسن طور الغزل****وطارت أطيور الفرح واتبسمتْ
حمَلت اوياهه المشاعر والتهانئ****هامت ابحبك بعد وأتهيمتْ
من ربنا أسمك نزل وية الولادة****وكل معاني الكرم والجود أنزلتْ
معصوم انته يبن حيدر علي****وجبريل بارك والملائك أفرحتْ
\-\
وشحال فرحة الهادي النبي****فرحة في أول سبط أتكرمتْ
والمرتضى يحمد الباري ابنعمته****ولولت الزهرة الحسنهه اوكبَرتْ
المولود من ظهرك علي هذا الحسن****أختارته العصمة اوبيه اتنصبتْ
انتظرنه يوم ميلادك يجي****كالعادة أحبابك وفت وأتهيأتْ
الليلة نحييلك فرح ياسيدي****الهوسات بأسمك ياامام الهلهلتْ
\-\
رابع كمر من نعد بأسم الحسن****وأقمارنه أربع عشر أتنورتْ
اليوم أسخَر كل قوافي الفرح****وكل مفردة خشعت الآسمك وانحنتْ
بعد مااكتب قصيدة وأبتعد عن الشعر***بس لو أحس ابياتي عنك قصرتْ
أنته فرحة للي يؤمن بالمبادئ****والكرم والجود بيك أتعنونتْ
واللي كال أختلفت وياك المحبة****كل الضنون البيه والله اتوهمتْ
\-\
حُبنه معروف الآهل بيت النبي****ومانغير حتى لو دنيتنه كلهه اتغيرتْ
ابمولدك فرحة يوازيها حزن****مسرورة صح لكن ابحيره اتحيرتْ
لو ذكرنه مرقدك بأرض البقيع****والآئمة وياك باحزان أشتكتْ
لكن تحدينا الحزن في مولدك****وكلوبنا قُبة الك وأتذهبتْ
\-\
ولو كالوا أقدار الزمن الظلمتك****ذكراك بينا للآبد وأتخَلدتْ
الليلة ناغمنه الفرح بالمجتبى****وعيوننه ابحبك عشك اتكحلتْ
نظمتلك هالقصيدة ابطور عاشك****وكل نواعير العشك بيت أرتوتْ
غيرَت نص الكتبته وابشجن****حتى ليكول السمعني أتشابهتْ
\-\
عشكناك يامولاي بس ابعشك مظلوم****مويعني هذا الفرحة بينا اتهاونتْ
بدَلت طور الشعر بأسم الحسن****اتباركت كل مفردة ليك انتمتْ
حرزت موال الفرح لليوم هذا****اصنعت منه ابيات بيك اتهيمت
والكرامة أتكرمت من نبع جودك****آمواج من بحر الكرم اتلاطمتْ
\-\
يابذرة الطيب الحسن وحسين****وكل معاني الخُلق بيهم أمعنتْ
ومن أقارن بالحسن وية الحسين****أسم واحد روح وحدة اتوحدتْ
منهو كال الحسن ماهو ابكربلا****مو وصيته هناك بالطف شاركتْ
نسخة من الحسن بالقاسم لكينه****او بالغاضرية الحسن ياللي سألتْ
يابو الحسن لو ردنه ننخى المرتضى****الشهامة ارتجت بيكم وأنتختْ
الليلة نهنئ فاطمة باللي أنولد****وبكلوبنه ميلاده فرحة أتوسدت
بقلوبنا ميلاده فرحة اتوسدت
--------------------------------------
نسألكم الدعاء
خادم اهل البيت(ع) زاهر المعموري الحلي
بيرث-استراليا 2010م