منتديات موقع الميزان - عرض مشاركة واحدة - إمامي يا إمامي الك ابعث سلامي
عرض مشاركة واحدة

عمار جبار خضير
الصورة الرمزية عمار جبار خضير
شاعر
رقم العضوية : 158
الإنتساب : May 2007
الدولة : العراق
المشاركات : 471
بمعدل : 0.07 يوميا
النقاط : 235
المستوى : عمار جبار خضير is on a distinguished road

عمار جبار خضير غير متواجد حالياً عرض البوم صور عمار جبار خضير



  مشاركة رقم : 1  
المنتدى : ميزان شعراء أهل البيت صلوات الله عليهم
افتراضي إمامي يا إمامي الك ابعث سلامي
قديم بتاريخ : 22-Aug-2010 الساعة : 10:40 AM

اللهم صل على محمد وآل محمد وعجل فرجهم والعن أعدائهم


تغزلت بجمالك = بحسن خدك وخالك
احبك يا إمامي = الك ابعث سلامي
إمامي يا أمامي

-----------=
نبع حبك وسط كلبي يمولاي
= احبك مثل حب الكاع للماي
عزيز بروحي تبقى عايش
وياي = يل ما خيبت يالحسن رجواي
حبيبي اشلون انساك
= وروحي عايشه وياك
ومن شوكي وغرامي = الك ابعث سلامي

إمامي يا أمامي

-----------=
بنات افكار شعري تغزلن بيك = يمن ثوب القداسه مفصل عليك
اذا جان الشعر اصلا قوافيك = اعذر عاشكك لو راد يطريك
وخلي اللايم ايلوم = الحسن محبوبي للدوم

يبن طه التهامي = الك
ابعث سلامي
إمامي يا أمامي

-----------=
المجد كل المجد ورثك يمهيوب = وباسمك يالحسن تنبض هالكلوب
ويمن وجهك شمس ماتعرف اغروب = غالي واغلى من روحي يمحبوب
الك صار المجد دار = زعيم لكل الاحرار

طفح حبي وهيامي = الك
ابعث سلامي
إمامي يا أمامي

-----------=
ياليلة نصف شهر الكرامات = يل بيج انبلج نور السماوات
انولد بيج الحسن سبط الرسالات = جده المصطفى خير البريات
الحسن يجمع مقامه = النبوه ويه الإمامه

الحسن احلى الاسامي = الك
ابعث سلامي
إمامي يا أمامي

-----------=
مثلك يالحسن ما شافت العين = وشخصك حير اعقول المحبين
وآنه من البعد يا حارس الدين = تحن روحي الك كل ساعه كل حين
ويه الراح والجاي = روحي تحوم مولاي

يا قصدي ومرامي = الك
ابعث سلامي
إمامي يا أمامي

-----------=
كريم انته والك نبع الكرم سال= وماخاب الذي شد ليك الارحال
بعطائك سيدي تنضرب امثال = تتناقل فخرها اجيال واجيال
ولك يوم الحشر جاه = كل الناس تلكاه

شفيع انته ومحامي = الك
ابعث سلامي
إمامي يا أمامي

-----------=
بقلم عمار جبار خضير
10 – رمضان الاكرم 1431
21- 8 – 2010



توقيع عمار جبار خضير

اني على حب الوصي أوقع ُ = فانا له مذ كنت طفلا اتبع ُ


رد مع اقتباس