[عدنان الحمامي]

بسمه تعالى

سلام عليكم

--

--
الصادق أبسّم ودع الدنيانه

وأمست الزهره عليه حزنانه

واويلاه -- واويلاه

--

آه ياچف الضغينه والغدر

چبدة الصادق ابسمّها تنفطر

باچر الغدار شيقدم عذر

شينطق بهاي الجريمه السانه

واويلاه -- واويلاه

---

ماخطه سهم النوايب رميته

اسموم چبد الصادق اللي گطعته

بالحزن أمست اليله أمته

صادق القول الذي عنوانه

واويلاه -- واويلاه

--

آه هاليله بحزن كل العباد

وحزن گلب المصطفى واهل الرشاد

الصادق اغتالوه ناس اهل العناد

وانفجع لمصيبته قرآنه

واويلاه -- واويلاه

--

مارعوا حرمه لهل بيت الرسول

ناس لاعدهم ظماير لاعقول

رادوا الشرع الله والمنهج يزول

وضيعوا تعب النبي واحسانه

واويلاه -- واويلاه

--

ناس باعتها الذممها والظمير

رادوا الهل الدين مجهول المصير

غير اهل بيت النبي ماله نصير

الدين هُمه والورع وايمانه

واويلاه -- واويلاه

--

كافحوا برواحهم جد وأجتهاد

ورفضوا ايصيب الجهل كل البلاد

الصادق اعلومه علنها بالجهاد

ابچبده التگطع المنهج صانه

واويلاه -- واويلاه

--

صان منهاج الرساله والعلم

وحتى لو روحه فداها مايهم

لچن اهل الجهل منه تنتقم

بذاك يوم الغدرته فرحانه

واويلاه -- واويلاه

--

سيد عدنان الحمامي







</b></