[عمار جبار خضير]

انه الواليت اهل البيت = والي عاداهم عاديت
لكطع المنحر = ما اتأخر
ويرخص دمي شما ضحيت =
----=
يل عقلك واكف ما يفهم = وما عندك ذرة وجدان
من يا دين وشرع ومله = حللتوا قتل الانسان
كلمن خالفكم بالمبــــــدأ = كافر عدكم بالعنوان ؟
والواقع هو اليكشفكم = كلكم اعوان الشيطان
مظهركم للعالم تقوى = وباطنكم جور وبهتان
مثل الحيه وسمكم قاتل = جُهّال وصم وعميان
انا اتباهى = بعترة طه
وانته بمروان اتباهيت =
----=
ما اعرف بيش انوصفكم = بفرعون بعاد بنمرود !
ماتنـــفع ويــاكم طيـــبه = ولا خّوّه التنفع لا جــود
والتقريب ويــاكم بابـــه = شما نفتح يرجع مسدود
يا غدة امراض الامة = وكلما نستأصلها اتعــــود
الله الكرم خلق ابن آدم = وانته اتهيـــــــن اكرم موجود
ضاكت بينه الدنيه وننظر = يمته يهل اعظـــم موعود
ويخلصنه = من هالمحنه
آ يا قائم أهل البيت
----=
شيعه ووالينه المظلومه = بضعة هادينه المختــار
بالارحام الله موصينه = مانتبع غير الكـــــرار
ومنهو الافضل من والينه = حبتــر لو سفيان العار ؟
لو ذاك الصلى بمحرابه = سكران وما يدري شصار ؟
وهذا التاريخ ايخبرنه = وانه انقل بعض الاخبار
خيبر والاحزاب التشهد = عن صولاته بذي الفقار
صاحت خيبر = حيدر حيدر
ما صاحت عن كيت وكيت
----=
آنه الشيعي لأطهر عتره = مو شيعي لهاي الاشكـــال
عتـــرة طـــــــــه وبيهم همي = لمــــن اذكـــرهم ينـــزال
وبالمحشر والله اذنوبي = بخدمتهم حتما تنشــــال
غرسوا بيه الحب والطيبه = وبيهم حققت الامــــال
شاعرهم وافخر عالدنيه = وهنياله الشاعر لو كال
الهم اشعاره ويخدمهم = يتخلد بين الاجيال
دمعة عيني = بس لحسيني
كعبة شوكي وبيه سعيت
----=
حيدر ربانه باخلاقه = ووجهنه لمنهاج الدين
ووصانه بقوله وتبيانه = من كال بوقعة صفين
ما اقبل لعداكم اسمع = طعانين وسبابين
وانتم عالضد لهادينا = حين السبيتوه اسنين
فالفارق شاسع يا زمره = عله الشر والغي مجبولين
نملك عدل وخير ورحمه= وانتو بغيكم متسلطين
يالارهابي = هاك جوابي
نبقى الشيعه شما سويت
----=
حسين العلمنه بتضحيته = ما نخضع ونطخ الراس
وما نتراجع عن مبدأنه = نمشي لاخر هالانفــاس
واحنه اشلون انطخ وننذل = وعدنه الكـــاظم والعباس
اهل البيت بخط العزه = نبراس يخلف نبراس
بحكم المنطق اهل الباطل = ويه اهل الحق ما تنقاس
هذا العدنه وانتو اشعدكم = عرعور وكومه الارجاس ؟
احنه الرحمه = وانتو النقمه
وانا بوصفي حاشا أخطيت
----=
الشاعر عمار جبار خضير