[عمار جبار خضير]

" يا أسد بغداد "
يا محمد يا جوّاد = يا إبن خير العباد
يا محمد يا جوّاد =
----=
يا اسد بغداد يا سر الوجود =
هذا لمصابك دمع عيني يجود =
من زمانك ما شفت غير الجحود =
وبالصبر خطيت منهاج الصمود =
سيدي مالك مثيل = انته للهِ الدليل
كعبة الحق والرشاد = يا محمد يا جوّاد
-----=
تاسع اهل البيت يا سر الاله =
علة التكوين انته ومبتغاه =
انته للإسلام ناموسه وعلاه =
كل محب قرآن شخصك لو قراه =
يتضح بيك الإباء = وفيض من دم كربلاء
لكل محب انته اعتماد = يا محمد يا جوّاد
-----=
سيدي الشيعه الك تنصب عزاء =
واجب وهذا العهد عهد الولاء =
تدري يا مسموم ليش الادعياء =
لليحبك بالغدر تسفك دماء =
لأن يلعن قاتليك = وينتقم من ظالميك
ويهتف بسوح الجهاد = يا محمد يا جوّاد
-----=
انته في عهد الصبا قائد همام =
من بعد عين الرضا صرت الإمام =
وبالجهاد انته سرت ضد اللئام =
من علي الكرار ماخذ هالوسام =
انته قائدنه العظيم = والسراط المستقيم
وانته ثوره عله الفساد = يا محمد يا جوّاد
-----=
الله يلعن قاتليكم يا شهيد =
وينتقم من ظالميكم بالوعيد=
احنه شيعه ونفتخر الكم عبيد =
ما نوالي زياد حاشنه ويزيد =
احنه في حبكم نذوب = سيدي وهاي القلوب
تنبض باسمى اعتقاد = يا محمد يا جوّاد
-----=
يا محمد مثل (ابو محمد ) تروح =
ولمصابك امك الزهره تنوح =
آه يا جرحك تصافه ويه الجروح =
وصوت بالحسره عله اغيابك يبوح =
ويلي مسموم الامام = وانحجب بدر التمام
وماجت اركان البلاد = يا محمد يا جوّاد
-----=
الضريحك نتعني ليه ونزور =
وهذا للأجيال برهان ويدور =
وين اهل الجور وين اهل القصور =
الخلد لاهل الخلد سجل حضور =
كل أيمتنه الخلود = ما تحدهم كل قيود
رغم كل اهل العناد = يا محمد يا جوّاد
-----=
خادم الجواد ان شاء الله
عمار جبار خضير = 7ذي القعدة -2010