[ياعلي مدد]

رح أحكيلكون عن جارتنا ام فلان






هي يلي بيئولولها أخت الرجال يلي بتحمل تئل جبال



ربت أجيال وأجيال اخواتها ولادها وولاد ولادها وولاد الجيران


صارت صخرة وما بتنحني للزمان لو مهما كسرتها الايام


كانت أم وأخت وأب وكل شي وماكان بينئصها شي


بتحب الكل ولا بتكل ولا بتمل جابت بنات وصبيان


ربت وتعبت وسهرت و صبرت وآخر القصة شوفو الحبكة


تركوها بدار العجزة زتوها وماكملت الشهر إلا وماتت من القهر



ياحيف على هالزمان يلي مالو أمان صارو الولاد بيتركو أهلون كمان


صحيح متل ما آل المتل مابعد الصبر غير المجرفه والقبر


ويرحم أيامك زمان وأهل زمان بس هلئ زمان أول تحول


ومو ماشي غير المصالح واختلط الصالح بالطالح والطيب بين الرجلين رايح


لحد هون مننهي الحكاية وإذا عجبتكون منكمل المرة الجاية


حكايتي حكيتا وعندكم خبيتا

أودعناكون يا خلان


من ؟؟؟ ايميلي