[اسمي من صفاتي]

منتظرة منك خبر يرجعلي ابوي حسين
متحن يدرب السفر *** خبرني بالجن اثر
يرجعلي ابوي حسين
ـــــــــــــــــــــــــــــــــــــــــــ
جيت اسولفلك محنتي طفلة وهمومي ثجيلة
فاركوني الي احبهم ومارعو روحي العليلة
ويادرب من فاركوني والركب غاب بدليلة
برويحتي ما فكرو *** لما بركبهم هاجرو
ياريت يمي اتاخرو وراعو اعظائي النحيلة
وياريت اخط القدر يرجعلي ابوي حسين
يادرب كلبي انكسر *** خبرني بالجن اثر
يرجعلي ابوي حسين
ـــــــــــــــــــــــــــــــــــــــــــــــ
من ضعنهم سار واحدى وغابت النوك واثرها
تعلكت روحي بركبهم وتبعت الركب الهجرها
ومن شتات افراحي لمت يادرب زاد السفـرها
ما ودعتني وسافرت *** وبحالتي ما فكرت
يادرب روحي قصرت ولــو مخبرتني بامرها
اوصيها من السفـــر يرجعلي ابـــوي حسين
ورسم بقرص الكمر *** خبرني بالجن اثر
ــــــــــــــــــــــــــــــــــــــــــــــــــ
كلبــي يتلهف يريدك يادرب تنقــل رســالــة
وياها دمعه من العليله خلها بجفوفك دلالــة
تخبر حسين بمحنتي مـن عكب عزة ودلالة
كلة العليله بحاجته *** من طلع ضعنه تانته
وخبرة علروحي الرادته تريد تغفة بضل خيالة
وكلـــه العليلــه بامــل يرجعلي ابوي حسين
لفراكه حزني كثر **** خبرني بالجن اثر
ــــــــــــــــــــــــــــــــــــــــــــــــــ ــــ

يادرب اطوي المسافة ورجع حسين الدياره
وكلــه طفلــه تريد ابوها ماتمل من انتظاره
بـرغم ماتدري بغيابه والسفر جان اختيـاره
لكنها ظلـت تنتظــر *** وبالصبرعالهم تنتصر
ومتحشمة بوالي الخدراغيابه ميطول علداره
وعلى الامــل انتظــر يرجعلي ابــوي حسين
وبقه على مر الدهر **** خبرني بالجــن اثــر
ــــــــــــــــــــــــــــــــــــــــــــــــــ ـ
ارد امد عمري علطولك وصل الوادي اهلنــه
ورد انام بحضن ابوي يادرب وشكي المنــــه
ويمسح بجفه دمعتي ونحتف بهيبـة زلمنــه
ونشطب من سجل الصبر *** وبتعد عن درب الجمر
لو بوي اخذني عللصدرينجمع يرجع شملنـه
وبجمع شمــل الاهـل يرجعلي ابوي حسين
وكتب على كل حجر *** خبرني بالجن اثر
ــــــــــــــــــــــــــــــــــــــــــــــــــ ــ
عليلة ورادتك يحسين يمها ** وناحت عليك الفاكــــدة امها

غبت ياحيــد وغيابك المها ** وزاد بروحتك يحسـين همها

نادتك بالهــــم طفلتك *** نادتك بالهــــم طفلتك

تحظر لعـــدها رادتك *** نادتك بالهــــم طفلتك

روح العليلـة التبعتك *** نادتك بالهــــم طفلتك

يا غــــريب اذكــــر بــدارك طفلــــة مـــرمية عليلــــة
ـــــــــــــــــــــــــــــــــــــــــــــ
خادم اهل البيت/ صادق الجبوري