[شيباني]

يالتصل النــــبي مكــتوب اخذ مــــني
يوصـــله البضعــــته الزهـره اويجمّلني
**********
يوصله البضعته الــمــاعرف مدفنــهـا
اهــو ينــدل ﮔبــرهـا والـي ﭽفنهــا
عــن الــناس مـخـفـيـته بأمـر منهـا
تـوصيـه الهضمـني خــاف يوصلـنــي
**********
اريـدنك تــهيـل اتــرابي تـالي الـليـل
ولا يحضر دفنــتي الهدم منــــي الحيــل
اوسلب حـﮕـي اوغـصبني اوشوفاني الويل
اريــده هــنـاك عـد ربـي يـخـاصمنـي
*********
اريد هناك يم عــودي بـغـضـب يلـﮕـاه
اويذكره بكل حديث اببضعته اشوصــاه
يـم الـحـاكـم الكـل عـمـل مـايـخفـاه
يردلي حـﮕـوﮔـي مـن كـل بشـر ضالمني
***********
الـﭻ يـالضـاع ﮔــبـرﭺ مـحـد أيعـرفه
انـبنالـﭻ بالـﮕـلوب ﮔـبور مــاتـخـفـه
ابـيـن ضلـوعـي ﮔـبرﭺ واحـس باللهفـه
وأريـدن بـالـحلم شــوفــج يـشــرفنـي
**********
يشـرفـتنـي اشـوفــج واطلـب مــرادي
واريـد حــضورﭺ بـيـوم الـﮕـبـر غـادي
ﮔـبـل منـكـر حـضـورﭺ يـثـلج افــؤادي
واذا بـالغـرغـره كـل بـشـر يـحســدني
*********
أذا بالغـــرغره اتــتحضرين اصير ابخير
وﮔبل ملك الموت امـن الفرح ﮔلبي ايطير
مـــااهتم لون يلـتـم ﭽبـيـر ازغـير
اصــيـح انـه بـأمان الزهره تـحجبني
***********
اصير ابحضرتــﭻ مـن كـل كـتر مـامـون
واتخطى اعلى طـولي ولا أهــاب الـكون
حبـﭻ صك امـان اونـزل بـيـه قـانـون
وانـه ابـخـدمتي الـقـانون يشـمـلـني
*********
يشمل كـل خـدمكم عفـو بـيـوم الـديـن
وعسانـي مــن الـخدم مـحسوب عد حسين
اريـدنكـم حـضـور ابـمدت الـرجـــلين
وبـﮕـبـري الـمـلـقـن مـن يـلـقنـي
*********
ابـﮕبري من يـلقـنـي ويـهـيـل اتـــراب
غريب انه اصــيـر ابــيــن ناس اجـنـاب
اريد الوحشتي يحضرون عنـدي احــبــاب
وانتـم حبـكـم بـﮕـلـبـي يـوســمنــي
*********
حبـكـم بالـﮕـلب واسـمـي بـحفـر مكتوب
وﮔبـل كـل الحـﭽـي امحمل تـــراني اذنوب
أوشـﭼـابـين اعـلـى ظـهـري تـنلزم يادوب
انـافــت بــيهـن ومـحـد يعـاونــــي
**********
ماكو معــيـن ذاك الــيوم غـيــرانـتــم
تزيحون الهـم اوتـحـمـون خـادمـتكــــم
أريد اسـتـشــهد بـحـب عـلــي امـطالبكم
تحت رايـت المـهـدي جـنــدي يقــبـلنـي
***********
طلــب هـــذا طــلبــته اوبعد عندي اثنين
ستر حـــالــي او شحيح الرزق بي تدرين
على وكـتي اوزماني يصير الـــيه امعـين
لخــدمـة سـيـدي الـمظـلـوم يلهــمني
*********
يلهـمني الخـــدامه سـيـدي الـمـذبــوح
اصوغلـّه قصايد حب عطرها ايــــــفوح
روحي افداه ولوكلش قــليــلــه الــــروح
عسى يقبــل فــديــتــي وانه مــتــهني
*********
طلب واحــــد يبت المصطفى ضل عندي
اصـل مـكـه وامــــرغ بالحــجر خدي
وازور الهـادي واولاده وهو سـعــــدي
اوربي من الـحجـيـج ابـفـضــله يحسبني

خادم الحسين
عبد الرزاق الشيباني