[fadak]

كل سنه ابلهفه نتانــــي الأربعين .......... حتـّه نتعنه اونــزورك يا حُسين

خبـــر بــالتاريـخ كالتـّه الرواة
اوعظـّمت قــدره أحاديث الثقاة
زيارتك يحسين تمحي السيئات
وحنه من هذا الخبر مستبشرين

يا حسين اهل المناصب ينتهون
ونته حي شمـا تمر بيك القرون
واليحبــونـــك الكبـــرك يعتنون
رغم جور العده وظلم الظالمين

يــالتريد الخلــد والخيــر المزيد
والله جنـّة عــدن يم كَبر الشهيد
زور كَبر حسين وطلب ما تريد
حتـّه تعـــرف ليش بي متعلـّقين

يمشي صوب ازيارتك حتـّه المريض
مــــا نعـــوفك لا وحـكَ ربنه الحفيظ
بـحــر جـــودك دوم عالــوادم يفيض
يروي الضامـــي ويشبــــع الجائعين

اشكَد لجل هــــاي الزيــارة تحمّلو
شيـعتــــك يـحسيـــــن وشكَد قدّمو
اتــسجّنو تـحـــت الأرض وتعدّمو
بــيــد عدوانــــك يــرمز الثائرين

هدّدونه وكَالو اليــوصــــل يزور
لغــم يتلكَـــــاه ويـسكنــــه القبور
صحت وينك يا لغم يم كَلبي ثور
حتّــه افـوزن ولتحق بالصالحين

إلــغـــم اوفــخـخ وفـجّــر واعتقد
لو ألــــف وصلــه تكَطّع هالجسد
ما نعوف حسين ابو العز والمجد
واليعوفــــه شيكَــل رب العالمين

قصيدة (( كل سنة بلهفه نتاني الأربعين )) من قلم الشاعر ايار الحلفي