[نفدي الزهراء]

عظم الله أجورنا وأجوركم



نوحی على الأولاد يا زهره الحزينه
في كربلا واحد او واحد في المدينه
مات الحسن و انهدم سور الهاشميه
هذي المدارس أصبحت بعده خليه
وإنتي يا زهره بالصفايح مختفيه
ليتج يا زهره جنتي يمه و تنظرينه


يجذب الونه و ينظر ابعينه يتاماه
واحسين عنده ينتحب وايصيح ويلاه
ليتج تشوفينه يودع جملة ابناه
واحسين يبجي و الدموع ابمقل عينه


ليتج تشوفين الحسن في صدر الحسين
امسند له ابصدره و يجري مدمع العين
و الكل منهم قابض الثاني بالإيدين
و يقول أمر كونه الباري علينه


وحسين ينادي عيشتي كشره بلياك
ايذوب قلبي لا بجت حولي يتاماك
خذني يخويه بالكبر باروح وياك
ترى عضيدك فرقوا بينك وبينه


ويلاه يوم حسين ودع للشفيه
وناده يخويه شمتت العدوان بيه
انته برض طيبه و انا بالغاضريه
اوليتج جمعتي هالشمل آيا الحنينه


اتفركوا عنج و صار الشمل تبديد
من جعده واحد كضه واحد كضه من يزيد
واحد دفن عندج او واحد عنج ابعيد
قبر الحسن عندج و اكبر حسين وينه

نوحی على الأولاد يا زهره الحزينه
في كربلا واحد او واحد في المدينه

وااااااااااااااااااااااااااااحسنااااااااااااااااااااااااه