[شيباني]

طاح عباس إعلى نهر العلـﮕـمــــــي****** صح وﮔـع والـﮕـاع حضنت جثته
بس ﮔـبل مايوﮔـع إويصل الــــــتراب****** لخته زينب وصـــــــه تاخذ همته
ولذ لك من إجت مجلس يزيـــــــــــد ****** سيف صار إلسانها إبصف رايـته
*********
وﮔـف عباس إبوجه سيل الحشـــــود****** وإخته برض الشام وﮔـفت وﮔفـته
سيفه هز أرض الطفوف إوبيها صال ****** إوهيَه عرش إيزيد ثكلى إوهزتــه
ﮔـام من إلسانها إبضلَه يلـــــــــــــوذ ******حـﮔـه ملـﭻ الموت عينه الشافــته
لاتلومه إبهاي وتـﮕـلَه إشدهــــــــاك****** إﮔـباله حامل ذو الفقار إوهيبتـــه
عهد بين إثنين زينب والكفـــــــــــيل****** بالولاده ﭽـفوف حيدر خطــــــــته
إبو فاضل بالطف إبـﭽـفه وفـــــــــاه ****** وإهي إبوجه إيزيد ﮔـامت وفـــــِت
**********
كسر غمد السيف عباس إوجــــــــلاه****** وإخته غمد السان بالطف كسرته
عيناً إوماكو فرق بين الثنــــــــــيــــن ****** إشلون صال الحره صالت صولته
إبكل أمر بيها يمر تتنخه بــــــــــيــــه ****** واهو من يتنخه زينب نخــــــــوته
**********
ﭼـفَه بدَه الماي من وجه الـــــفــــرات****** إوهيَه وجـــه إيزيد بدَت مايـــــــه
آيتين النزلن إبيوم الطـــــفـــــــــــوف****** آية العباس وإخـــته الآيـــــــــــــه
لاتـﮕـول إتعنته إبمدمع يســــــــيــــــل****** إولاتـﮕـول إمن الهـــظم شـﭽـأيــه
إتعنت العباسها إبهمــــــــت رجــــــال****** إتريد من ﭼـفه تــــزم الرايـــــــــه
المثل زينب أقل إمن القـــــــــــليــــــل****** إولامثل عباس تلـﮕـه إهــــوايــــه
مثل إبوهم صارو إالعـﮕـب الرســـول****** الكل وحي القرآن خطَه إوثبــــتــه
إوكل وحي حسين النزل يوم الطفوف ****** زينب إبـﭼـفها المـﭼـتف كتــــبتــه

***********

خادم الحسين
عبد الرزاق الشيباني