[منتظرة المهدي]

يا حبيبي يا حسين

لشاعر: السيد مرتضى الموسوي




والله لو كل يوم أموت وأنذبح
لو يظل مرفوع رأس على الرمحي

ما أخاف وما ألين
يا حبيبي ياحسين



والله لو كل يوم تذبحني السيـــوف
لو تظل ادوسني قدام الألــــــــــوف
كربلاء وما يخوفني الحتــــــــــوف
عن حبيبي حسين ما أرجع وعوف

لازم أوصل للحبيب
حتى لو أوصل خضيب
هذا درب العاشقين
ياحبيبي يا حسين




من صغر يا نـــــــــاس ولحد المشيب
قلبي غيرحسين مــــــــــاعنده حبيـب
هو بيتي وأنا من دونه غـــــــــــريب
جرحي بس يم حضرته ونوره يطيب

بلسمي بأشرف ضريح
منهجي وفكري صحيح
يا إمامي المتقين
ياحبيب ياحسين



اشلون أعوف حسين يـــــــا رايد تلوم
يــــا هو غيره بشدتي وثقل الهمـــــوم
حسين لحظة حسين ساعة حسين يوم
وبجلوسي وبقيـــــامي اعيــــــش دوم

أنا غيره ما أريــــد
لآن بس هو المفيد
هو دنيا هو دين
يا حبيبي يا حسين



حب لحسين أرد أناشد عاذلـي
مثل أبو سجاد وين ألقى إلــي
الزهره أمه والده حيدر علــي
سيدي الأكوان جده المرسلـــي

مثله من يملك صفات
أقول كل أهله أبــــات
وفاز من نادى بيقين
يا حبيبي ياحسين


أنا حبي مو عواطف حب فكــر
حسين علمنى على شده أنتصر
على مذله قلي ما يسوى العمر
قالى سيف الدم أموت كل شمر

علموني اشلون أموت
ما أموت بسكوت
موتي ويا الثأرين
يا حبيبي ياحسين