بسم الله الرحمن الرحيم
اللهم صلى على محمد وال محمد
وانعل قاتليهم واضالميهم
السلام عليكم ورحمة الله وبركاته
اعندي مشكلة واتمنى منكم تعطوني ارائكم
لان الموضوع صار جبير وطلع من حده
انا شيعي من الكرد الفيليين يعني حسيني وموالي حتى النخاع
حبيت فتاة قبل 10سنوات هية من الاخوة السنة
تزوجنا قبل اربع سنوات وشوية
عندي منها طفلين بنت وولد
المشكلة ماتخدمني طول الوكت نايمة لو تكول تعبانه الاكل الغداء عمري ما اكلتها في وقتها المحدد
اتصوروا الصبح من اريد اروح للدوام اتعب من كثر البحث على جواريبي وملابسي اذا ما انبها اكثر من مرة ما تغسلها ولا تكويها
وانا رجل امن ولي مكانة الحمدلله مرموقة بالمجتمع
وحتى المعاشرة الزوجية ما مرتاح وياها
البيت 24 ساعة وسخ ورديء ومهمل
احجي وياها نتعارك ومنتفاهم
والسبب الاخر الظامة الكبرى هية ماتحب الشيعة
اقول لها انتي كنتي تعرفين من ايام الحب انا شيعي
لعد ليش اتزوجتيني وصار عدنا طفلين
دائما بالامور العقائدية نختلف
والله احاول معاها بشتى الوسائل
وافهمها
بس ميفيد ابد ميفيد
من اروح للزيارة تتعارك وياية
وهية ماتجي معي
هذه السنة في عاشوراء كنت في كربلاء اشارك العزاء لسيدتي ومولاتي فاطمة
من رجعت كانت متنحسة وتدور مشاكل معي
وتكول انته تروح حتى تسوي متعة
والله انا ماعندي هيج شي
يعني اتخبلت من ايدها وانا عصبي
واطفالي غاليين عليه
وهسة حاليا هية عند اهلها لان زعلانيين ومرة تطلب الطلاق ومرة تكول لا
افتوني وساعدوني جزاكم الله الف خير
اخوكم
علي الفيلي