[عبـد الرضا]

يـا الـغايب وعدك ننتظره ... قلبك يا يوم ايطكَ صبره
و اعــيــونــك تــنــظــر دنـيـانـه
جور و باطل ضيم و حسره ... قلبك يا يوم ايطكَ صبره

يـبـن الـحـسـن طال الوعد ... و امن الصبر ملينه
...و ابـجـاهـك الـواحـد أحد ... يالمهدي تنهض لينه
مـا أظـن يـحـصـيها العدد ... سيدي اجروح البينه
يـا الـغـايـب و مـا ظـل بعد ... غيرك يحن اعلينه
بـتـارك يـا يوم اتجرده ... و الباطل من أصله اتحصده
يــا الــمــوعــود انــهــض مــولانـه
يـمـتـه الليل ايطر ابفجره ... قلبك يا يوم ايطكَ صبره

مـتـحـيـر ابـجـفي القلم ... كثره العتب يا المهدي
مـن يـا كـتـر عن يا ألم ... لو ردت أحجي و أبدي
جـم مـره ديـن الله انلثم ... جم قلب جرحه اليدي
ابـجـفـك مته ايرف العلم ... و ظعن الفرج بيه تحدي
دنـيـتـنـه الـجور امغطيها ... جا يمته ابعدلك تمليها
و الــديــن اتــشــيــد بــنــيـانـه
يـا الـتنظر حالتنه الخطره ... قلبك يا يوم ايطكَ صبره

تـدري يـمـن بـيـك الأمل ... جدك رسول الرحمان
بـعـده عـله افراش الأجل ... و انقلبت أهل العصيان
رجـعـت عـلـى عهد الجهل ... عقدت سقيفة بهتان
و هـو الوصي و ليش انعزل ... من حكمه داحي البيبان
لـلأمـه الوالي ايعرفونه ... و حق حيدر ليش ايغصبونه
الـكـرار الـمـعروف ابشانه ... و عباد الأوثان اتنكره

دار الـبـتـول الـطـاهـره ... بضعة الهادي المختار
و هـالـدار جـانـت عـامره ... للبشر تزهي الأنوار
و أهـل الـسقيفه الغادره ... يوم اللي هجمت عل الدار
ابـعـتـبـة الـدار اموجره ... الأهل الحقد شبت نار
هـالـدار الـهـادي ايـحييها ... و جبرائيل الخادم بيها
هـالظلت وحشه و حزنانه ... متحيره و مظلومه الزهره

يـا الـمـهدي أظن عندك خبر ... بالصاير يبن الأطياب
و يـا ضلع يا المهدي انكسر ... و يا دمع عالخد سجاب
ريـتـك جـنـت يا المنتظر ... من دفعوا اعليها الباب
و اعـلـه أمك اتصد بالنظر ... يالمهدي جا قلبك ذاب
خلف الباب أمك من لاذت ... دفعوها و بحشاها انصابت
لـلـمـحـن صدت لهفانه ... لنها اموسده فوق الغبره

حـاضـر لـون بين الحسن ... بالطف جنت يم احسين
و اتـشـاهـده اشـلون امتحن ... جدك ابين الصوبين
و اعـلـه الـنـهر حامي الظعن ... لا رايته و لا جفين
و سـهـم الـمـثلث بالضعن ... جبده و تقطع نصين
يـا الـغايب و الظهره اتعده ... و اينازع بالحومه وحده
مـن طاح احسين ابميدانه ... خله اعداكم ريض صدره

-------------------------------------------
الشاعر السيد سعيد الصافي الرميثي
-------------------------------------------

اللهم عجل لوليك الفرج والنصر والعافية

لا تنسونا من صالح دعائكم

يـــــ زهراء ـــــا مــــــدد

[منتظرة المهدي]

اقتباس مـتـحـيـر ابـجـفي القلم ... كثره العتب يا المهدي مـن يـا كـتـر عن يا ألم ... لو ردت أحجي و أبدي جـم مـره ديـن الله انلثم ... جم قلب جرحه اليدي ابـجـفـك مته ايرف العلم ... و ظعن الفرج بيه تحدي دنـيـتـنـه الـجور امغطيها ... جا يمته ابعدلك تمليها و الــديــن اتــشــيــد بــنــيـانـه يـا الـتنظر حالتنه الخطره ... قلبك يا يوم ايطكَ صبره

يالمهدي طالت غيبتك واحنا بأمل ظلينا
ملينا من كثر الصبر يا ابن الحسن ملينا
بالهضم والهم والحزن والمحن لا تخلينا
نصرخ بصوت الفاجعة بدرك الغائب وينه


اللهم عجل لوليك الفرج

وجعل من كتب هذه السطور ونقلها
من أنصاره وأعوانه ومن المستشهدين تحت رايته

[زاهر المعموري]

بارك الله فيكم قصيدة رائعة
اللهُم عجل لوليك الحجة أبن الحسن
صلواتك عليه وعلى أبائه
مشكورين على هذا الطرح
أخوكم زاهر

[عبـد الرضا]

الأمان الأمان يا صاحب الزمان

أختي منتظرة المهدي وأخي زاهر جعلنا الله وإياكم من أنصار وخدام صاحب العصر وناموس الدهر المولى صاحب الزمان (عج) بحق ضلع الصديقة الشهيدة (ع)

لا تنسونا من صالح دعائكم

يــــــ زهراء ــــــا مــــــدد