[عاشق فاطمه]

ياهند خان الدهر بينا أخونا انقتل وحنا انسبينا
هذا البيت الشعري لخص ماجرى على السيده زينب وعلى اخيها الحسين وعلى ايتام اهل البيت

[fadak]

لسان حال السيدة زينب عندما رأت الامام الحسين ملقى صريع على أرض كربلاء...

منين جيب الماي انا منين....ماظل دمع وسقيك ياحسين

ياخوي جفت من البكي العين ...وعلى الشريعة القوم صوبين

وأنا يابن علة التكوين...شصنع يابعد عيوني الاثنين

حرمة وغريبة وطحت ما بين عدوان ....لا مذهب ولا دين

ولشوفتك يبن الميامين...مشتاقة خوية وجيت هالحين

وخليت يا بن امي الخواتين..صرعة وعطاشى بالصواوين

وبها الحكي زينب ويه لحسين...لن سوط ظالم علا المتنين

طكها ويقلها لا تقربين...وحز منحر الحباه ياسين

واستوفوا من الحسين بالدين

[ناصر حيدر]

كان القران مع الامام الحسين(ع) حيا وشهيدا ولهذا كان راسه على الرمح يقول الاية القرانية(ام حسبتم ان اصحاب الكهف والرقيم كانوا من اياتنا عجبا)
ومن الابيات الشعرية التي اعجبت بها
ياحسين دبرها زماني وخان بيه من وين اجتني كربلة وعمت عليه
لت لوم كلبي( قلبي) لو ثقل ياحسين ونه جيت بجلاله وابو الفضل يبره لضعنه
واليوم سايك (سائق) ناقتي يشتم باهلنه فرحان شامت بالجره خلافك عليه
انه بليتي ماابتلت انس ولا جان يكولون ايوب ابتله لاجن عليه هان
ايوب زالت بلوته وعافاه الرحمن اني بليتي للحشر ظل تسعر علي
يكولون يعقوب ابتلى بمفقود الاولاد ليله ونهاره ينوح لافتر ولاهاد
عنده هداعش مولود والغايب عليه عاد وانا بليتي للحشر ظل تسعر عليه
ما اظن حره صابها مثلي بالدهور في يوم واحد شاهدت سبعين منحور
وان كان امي ضلعه بالباب مكسور انا انكسر قلبي بمصاب الغاضرية
اعتذر على هذه القصيدة لانه هذا ماحفظته منها من زمن بعيد وكذلك هذه القصيدة
ياذاك الزمان الفات هم ترجع بعد وتعود ( هل ترجع ايها الزمن الى الوراء)
واهلي الراحو يردون وتردلي السعادة ردود( هل يعود الاموات وهل تعود السعادة للانسان من جديد )
يا ليت والف ياليت والياليت ابد مايفيد (هل كلمة ليت تفيدنا في الوقت الحاضر)
شسوي والهضم والضيم كل ساعة على كلبي(قلبي) يزيد (تتزايد المحن والالام كل ساعة على قلبي من عظم المصاب)
شطلب بعد شتمن وروحي كاطعة الظنة (ماذا ساطلب وقد خابت كل ظنوني)
غير الآه والونة لو حتى الورد هيهات يرجع بعد ويعود
حتى الورد مات العود وكليبي انكع رجواه (اذا يبس عود الورد اي ان الورد مات وكذلك فقدت الامل بعودة الاحبة للحياة)
آ يا زهرة ايامي اللي(التي) صبغتها الليالي سود
ناصرحيدر

[عبـد الرضا]

لسان حال العقيلة أم المصائب الحوراء زينب (ع) وهي تتذكّر ما جرى عليها وجرى على أمّها فاطمة (ع):

شمر يضربني بسوطه ,,, مثل قنفذ بذاك اليوم
لوّع فاطمة أمي ,,, وما حد بدا منه عتب أو لوم !!!
أنا أنتخي بالعباس ,,, وهي تصرخ يا حيدر قوم !!!

آه .... آه

لا تنسونا من صالح دعائكم

يــــــ زهراء ــــــا مــــــــــدد

[fadak]

ياعلي وأنا العقيلة000بالمصايب دمعي جاري

من غبت عني يبويه000طول عليك انتظاري

شابحة عيوني على دربك وانتظر ليلي ونهاري

بقلبي نار بعيني دمعي وانتظر دمعي ويناري

شحسبت من فارقتني يا علي شحسبت من فارقتني

بلوعة الهم لوعتني وللمصايب سلمتني شحسبت من فارقتني ياعلي شحسبت من فارقتني

ياعلي وليل المصايب بالحزن خيم ظلامه ودمعة المحنة على خدي حفرت وخلت علامة

والحسن والحسين مثلي صاحوا وبصيحة ملامة ترضى من بعد المعزة تارينا نصبح يتامى
يا علي0000

[عشق الحسين رقية]

أنــــــــــا بعينــــــــــي.....أنا بعينـــــــــي شفت الشمــر !! جاثي ركبتــــــــه !! على صدر خويا حسيــــــــــــــــــــــــن....وحزّله رقبته ..
يا ريتنـــــــــــــي بالعمى ....ولا كنت شفتـــــــه !!
يا ريت الموت منّك ردّك إليّ...


لسان حال مولاتناكعبة الصبــر سلام الله عليها....
يا حبيبي يا حسين...

[fadak]

وين حلال المشاكل وينه 000مايشوف الحسين قرة عينه
تصيح من عظم المصاب سكينة000وين خويه وين حيدر وينه
حسينكم مذبوح بالرمضا طريح000والعيل بخيامكم قامت تصيح
ياعلي لو تنظر لابنك ذبيح000وتحضر الزهراء تشوف بعينه
دونك النسوان تبكي والاطفال00بعد ابونا ركبونا عالجمال
دورونا وربطونا بالحبال000جسم ابونا حسين ظل رهينة

اخرجوا السجاد من فوق الوطى000كبلوه بقيد عظهور المطى
سيرونا بلا غطى ولا وطى 000وين حيدر تايشوف بعينه
ينظر العباس مطروح وطعين000قصوا شماله وثنوا باليمين
ياعلي لو تسمع صراخ البنين 000عمي العباس قوم اسقينا
مادريتوا ياهلي باهل الفساد000ركبونا ودورونا بالبلاد
والعليل يخويه من عظم القياد000يشتكي والقوم ما يرحمونه
وين جبرائيل واملاك السما 000ينظروا الحسين لما ارتما
قاسم العريس حنوا بالدما000 ليش يازهرا ماتحضرينه
حيدر ياعلي حلل مشاكلها000 دخيلك هالمصيبة لا تطولها
حيدر ياعلي أحضر ياحامينه000 واكسر هل اعادي وأستر علينا
طبوا هل البلد وتحكموا فينا000يريدون سنة الهادي نبدلها

عذرا اذا كان فيها أغلاط العتب على الذاكرة000كبرنا