[سبايا]

الى الامام الحسين والى اعضاء المنتدى
عبد الله يبني ابكربلا *****ودعتك الله ابهالفلا
حين السفر************قلبي انفطر
ونته اعلى غبره اومرمله
*****************************
كص حرمله اوريدك وأخذ مني ألامل
اوشتت حياتي ابنبلته اوحان ألأجل
يابدر عالي ابوسط دنياي اوأفل
اشظل عندي بعدك يا رضيعي ابهالمحل
انته الثمن*****راده الزمن*****من الرباب استاصله
************************************
عبدالله در ثديك اوزادت وحشتك
حين افجعت بالغاضريه اميمتك
شدعي اوشقولن عالجفوف الصابتك
كصت اوريدك من ضما ما روتك
ريت الضمه***** القلبي اوعمه*****اولا هالدمه متسايله
************************************
ماي الي عز اعليك ريته لا جره
اوريت الاله النزله رد غوره
يرضيعي مو بيدي حليبك شح تره
اوخلاك مني اتروح يالردتك ذره
ردتك ذخر *****تالي العمر*****راح الحسبته امن أوله
************************************
ياريت أظل يمك وأهز ليك المهد
خافن تفز تبجي يقطعه امنلجبد
ابحنيه ألوليلك ونومك يالولد
اولامل انه والله لو جفني سهد
يبني اشبعد*****حيلي ركد*****ضليت بس بالولوله
************************************
راح أمشي عنك يارضيعي ابلا قلب
يوليدي افكر بيك اظل طول درب
أم أومثل يعقوب أشم ريح التهب
بلكي يجي عطرك اوياها من الغرب
عيني عمت*****يبني اوطفت*****منك مثل يوسف قميص أتأمله
************************************
ابيضَت اعيونه النبي يعقوب اويظن
يوسف عدل مامات وآنه ابني اندفن
ابيضَت اعيونه وأنه اعيوني اتسودن
لو مثل حالي اشصار بيه ابهالمحن
لو هالسده *****اعليه سده***** اعليه أبد ما يتحمله
************************************
عبد الله بقماطك اشدن جبدتي
خافن يجي يوم أنسه هاي امصيبتي
مغصوبه اودعك يبني وآنه ابناقتي
اعذرني يرضيعي انته ادره ابحالتي
ماظل صبر ****وآنه ابيسر*****مجتوفه يبني ابسلسله
***********************************

[ابومحسد]

بسم الله الرحمن الرحيم
بوركت اخي العزيز سبايا واحسنت
هل هذه القصيدة من نظمك ..
لك مودتي ودعائي
اخوك ابومحسد النجفي

[محمدالموسوي]

شكرا على القصيدة الرائعة

[خادمة بنت المصطفى]

مااجور اخي على القصيدة جزاك الله خيرا

[سبايا]

ممنون لكم اخوتي واعزائي واشكركم منكل قلبي
الأخ ابو محسد اذا شاء الله من نظمي ولا فخر
لانني لولا الهام سيدتي زينب والله ماكتبت حرفا
صدقوني كلما هممت بكتابة قصيدة لا أرف من
أين يدات ولا أدري متى انتهيت أخوكم المتفضل عليه منِأًابوزيد (سبايا)

[ناصر حيدر]

الاخ بارك الله بكم وزاد الله في حسناتكم للقصيدة الرائعة ولافجعكم الله بفقد عزيز
ناصرحيدر

[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صلي على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

*****************************
كص حرمله اوريدك وأخذ مني ألامل
اوشتت حياتي ابنبلته اوحان ألأجل
يابدر عالي ابوسط دنياي اوأفل
اشظل عندي بعدك يا رضيعي ابهالمحل
انته الثمن*****راده الزمن*****من الرباب استاصله

شاعرنا الفاضل سبايا
مأجورين وفقكم الله لتصوير عمق هذه الفاجعة الأليمة
أبيات رقيقة من الأم الثكلى على وليدها سلالة ابن بنت رسول الله صلوات الله عليهم أجمعين
وكلمات حفرت على خد الوالدة أخدوداً لا يُمحى أثره من قلبها ومن قلو الموالين
بارك الله فيكم
نسألكم الدعاء لنا ولوالدينا

[علي كريم الربيعي]

أحسنت ورحم الله والديكم على هذه الكلمات الولائيه

أثابكم الله ووفقكم