[mahdi_2000]

كَالولي بسَّكْ دَمعْ
كَالولي بسَّكْ دَمَعْ = موخافْ تعمهه العينْ
كَتلهم اطفي الجَّمُرْ = والدَّمع هوّ الدَّيـــنْ
منْ ابجي طول العمر= لا ما أوفّي احسينْ
****************
كَالولي بَسَّكْ حزنْ = يكفي بعَدْ ياصـــاحْ
كَتلهم اسمه الفَرحْ = من احزَنْ آنه ارْتاح!
الحسين هـــو الأمل= ول كل قُفـلْ مفْتــــاحْ
****************
كَالولي بسَّك لَطُمْ = تلطمْ اسنينْ اشْصار!
كَتلهُمْ ادمي الصَّدُرْ = مهما جَرالي اوْصار
احسينْ هوّ الذُّخرْ= اوبايده يطـفّي النـَّـــارْ
*************
كَالولي بسَّكْ مشي= مــــاتتعـَـبْ ابممْشاك!
َكلنهه اونكَولْ اوْبَعدْ= بأرواحـــنه نِــفــْــداكْ
المشهه ابيادهْ إلهه= يلكَهه الشَّفـــاعه اهْناكْ
***************
او كَالولي بَسَّكْ تــوِنْ= وَنَّه اعله وَنَّه اتموتْ!
كَتلهـُــــم ْاللّي يـِــون= ابحسينَّهه مَبــخــــوتْ
صَكْ من علي والدهه= للجنَّه بيه ايــفـــــــوتْ
**************
اوكَــالو اوكَـــالو بعدْ = الشِّيعه تره ايغالونْ
خلِّصــــوْا كلّ العُمرْ = يـنوحـــونْ ويلطمــــونْ
كل مَلكْ بلْ كُلْ نبي =بعالي السَّمه يبجــــــــون ب

**
الشاعر ابومحسد
خادم أهل البيت

[جارية العترة]

نفتقد الشاعر الاخ الفاضل ابو محسد الذي لاشك هو الان مشارك في اقامة العزاء على سيد الشهداء عليه السلام عظم الله اجوركم جميعا
وشكرا للاخ مهدي لنقله الابيات بلسان شاعرنا الكريم

[ابومحسد]

بسم الله الرحمن الرحيم
السلام على من بكته ملائكة السماء
عظم الله اجوركم اخي مهدي وبوركت اياديكم
ولا املك الا الدعاء لكم
ابو محسد النجفي