[عمار جبار خضير]

شد حيازيمه علي فارس بدر = من طلع للمسجد يصلي الفجر
؁؁؁؁
يدري هاي الليلة ميعاد الخلود = ويدري بيها مخضب بدمه يعود
وحيدر ويه الموت مايعرف حدود = والمسيرة التشهد وهذا العمر
؁؁؁؁
ﮔبال عينه اتمثلت كل الفصول = مره يستعرض جهاده ويالرسول
ومره يرجع بالالم ضلع البتول = ويرجع الدلال بالهم يستعر
؁؁؁؁
شال عينه وعاين انجوم السماء = ويمكن اتبسم لان حان اللقاء
ويه طه المصطفى وخير النساء = ويه حمزة وجعفر وذاك النفر
؁؁؁؁
شد حيازيمه علي وﮔت الصلاة = لن سمع اصوات ذيـﭷ الصايحات
ﮔلها صيحن من بعدكم نايحات= وهذي اخر خطوة امشي ويالقدر
؁؁؁؁
الكون والافلاك وﮔفت بانتظار = فازعة ومرعوبة من اخطر قرار
بعد ساعة وينفتح باب الدمار = وعاصف الاسود يهب بكل كتر
؁؁؁؁
بعد ساعة يزلزل الكون المصاب = وبعد ساعة وتبتدي رحلة عذاب
وهامة الاسلام وآيات الكتاب = بسيف ابن ملجم تُصاب وتنطبر
؁؁؁؁
فتح بابه وﭼــنه ناوي عله الرحيل = وﭼـــنه هذا الكون يصرخ بالعويل
وين رايح يا علي حامي الدخيل =عــﮕبك الاسلام يوليه الخطر
؁؁؁؁
وين رايح يا علي يابو الحسن = وياهو للأيتام يا محيي السنن
والله بعدك ترجع اتباع الوثن = تلبس الاسلام بثياب الكفر
؁؁؁؁
صدﮓ يا بو حسين تتركنه وتروح = وصدﮓ بيدك تفتح ابواب الجروح
تدري يا مهجة تخليها تنوح = هاي زينب يا علي ام الخدر
؁؁؁؁
يا علي دين النبي وضعه خطير = واحنه يا بو حسين من دونك نحير
يا علي ايتام من بعدك نصير = واحنه محتاجينك احنه بكل عصر
؁؁؁؁
يا علي لليوم جبريل الامين = بكل شهر رمضان ينعاك وحزين
بصوته يصرخ يا امير المؤمنين = زينبك بالشام جيتك تنتظر
؁؁؁؁
ونسألكم الدعاء
بقلم عمار جبار خضير
2013

[بنت الهدى2]

عظم الله لكم اﻻجر باستشهاد سيدي وموﻻي امير المؤمنين عليه السﻻم

احسنتم احسنتم قصيدة اكثر من رائعة كل بيت له هيبة وتقدير
قصيدة تبكي الصخر من قرأتها
موفقين لكل خير

[جارية العترة]

اقتباس يا علي دين النبي وضعه خطير = واحنه يا بو حسين من دونك نحير يا علي ايتام من بعدك نصير = واحنه محتاجينك احنه بكل عصر

عظم الله اجوركم اخي الشاعر القدير عمار جبار
..واقع حالنا أننا في شدة ومحنة عظيمة وننتظر الفرج ولعله قريب .زيامدرك الثار أدركنا
زلزا الكون عظم المصاب
بميزان اعمالكم ان شاء الله

[ابن الشاعر]

بوركتم شاعرنا القدبر عمار جبار
شفع لك صاحب الذكرى في قضاء الحوائج
لكم منا كل التقدير
اخوكم ابو مهدي

[ابومحسد]

اللهم العن قتلة امير المؤمنين اللهم العنهم لعنا دائما ابدا لاينقطع
بوركت ياعمار واحسنت ... عظم الله اجوركم لمصاب مولانا ابي الحسن
سلامي ودعائي

[عمار جبار خضير]

كل الشكر والامتنان والتقدير للأخوة والاخوات الكرام على تفضلهم بالمرور الكريم على صفحتي واسأل الله تعالى لكم التوفيق الدائم وقبول الاعمال بحق امير المؤمنين علي

[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

يدري هاي الليلة ميعاد الخلود = ويدري بيها مخضب بدمه يعود
وحيدر ويه الموت مايعرف حدود = والمسيرة التشهد وهذا العمر

شاعرنا عمار جبار خضير
نعزيكم باستشهاد العروة الوثقى وحبل الله الممدود بين السماء والأرض

طيب الله أنفاسكم على هذه الأبيات العلوية الحيدرية

رزقنا الله وإياكم زيارته في الدنيا وشفاعته في الأخرة

نسألكم الدعاء لنا ولوالدينا

[عمار جبار خضير]

السلام عليكم ورحمة الله وبركاته
اهديكم من التحايا اجملها ومن المودة اشملها ومن الامتنان اثقلها
ادام الله روابطنا الاخوية واخوتنا الولائية وشكري المتجدد