[عمار جبار خضير]

ياحمزه يا ليث الحرب = يا شبل عبد المطلب
انظم قوافي الاشعار = يا عم نبينه المختار
يا حمزه يا ليث الحرب
-------=
يا رمح دين المصطفى بصدر الكفر مرتكزه =
يا ثاني اعمـــام النبــــــــــي للدين ذاتك عزه =
ترعد بساله ومقدره والسيف حين اتهــــــزه =
كل الكتايب ترتجف لمن تشوف الحمــــــــزه =
مثل الاسود الضاريه = تصيد النفوس الغاويه
وتــﮕطع سبيل الاشرار = يا عم نبينه المختار
يا حمزه يا ليث الحرب
-------=
ياسيدي وبيك الفكر محتار بيش يوصــــفك =
وكلما اخط اسمك برز رمح الخيانه وﭼبدك =
واتذكر ادموع النبي ونوح الزﭼـيه بفـﮕـدك =
وهذا الرمح نفسه الرفع راس السبط من بعدك =
نفس الاداة الفاعــله = بيكم حقدها اتواصـــــــله
من آل اميه الفجّار = يا عم نبينه المختار
يا حمزه يا ليث الحرب
-------=
معروفه هاي الظاهره عد آل اميــــه( الثميل) =
موهيه هند الطلعت ﭼبدك ياحامي التزيـــل =
وفجعت نبينه بمنظرك وظل الدمع منه يسيل =
وتوارثت هذا الفعل اهل الدجل جيل وجيــل =
مثلو بجثتك بالامس = واليوم ﮔبرك مندرس
لكن تظل نور ونار = يا عم نبينه المختار
يا حمزه يا ليث الحرب
-------=
جبهة نضالك مفخره لاهل العقيده الحره =
يالاسمك بنور انكتب بلوح العرش والقدره=
هاجرت لله وبايعت دين الهدايه اتنصره =
بسيفك وسيف المرتضى اهل الشرك مندحره =
دمك كتب اروع مجد = من سال في وقعة احد
مجد الشرف للأحرار = يا عم نبينه المختار
يا حمزه يا ليث الحرب =
-------=
يالحمزه ليش اهل الحقد دروك ابد ناسينه =
يحـﭼون عن زيد وعمر ومقدارك مضيعينه =
والي غرز بيك الرمح مكرمينه ومعظمينه =
وانته الحميت وجاهدت بالحق يعم هادينه =
هذا الامر واضح جلي =مو انته عم حيدر علي
بالامة هذا الي صار = يا عم نبينه المختار
يا حمزه يا ليث الحرب =
-------=
ليوث الهواشم ثائرة رفعت لواء الاسلام =
حمزه الاسد ليث الوغى وحيدر ولينه الضرغام=
وجعفر وابو طالب فخرللنصر رفو اعلام =
للمصطفى ﭼانو درع اعمام واولاد اعمام =
يالحمزه تاريخك اغر= انت وعلي فارس مضر
وجعفرنه ذاك الطيار = يا عم نبينه المختار
يا حمزه يا ليث الحرب =
-------=
يالحمزه دمعات الحزن ما تطفي نار مصابك =
لكن اسجل موقفي ﮔاصد اقبـــــــــــل اترابك =
بالّدمعه اواسي المصطفى يوم انفجع بغيـــابك =
خاشع اجاك وبالفكر بيد الامل دﮔ بابـــــك =
وعذرا اذا ما اخرت = بيك الشعر واتحيرت
وشخصك يحير الافكار = يا عم نبينه المختار
يا حمزه يا ليث الحرب =
-------=
عمار جبار خضير
العراق = البصرة = 2010

[منتظرة المهدي]

اللهم صل على محمد وآل محمد وعجل فرجهم وألعن أعدائهم .

اقتباس يالحمزه دمعات الحزن ما تطفي نار مصابك = لكن اسجل موقفي ﮔ

اقتباس اصد اقبـــــــــــل اترابك = بالّدمعه اواسي المصطفى يوم انفجع بغيـــابك = خاشع اجاك وبالفكر بيد الامل دﮔ بابـــــك = وعذرا اذا ما اخرت = بيك الشعر واتحيرت وشخصك يحير الافكار = يا عم نبينه المختار يا حمزه يا ليث الحرب

آآآآآآآآهــــــ ياعم رسول الله
السلام عليك يا خير الشهداء السلام عليك يا أسد الله وأسد رسوله


اللهم أرزق كاتب هذه السطور زيارته ولا تحرمه في الأخرة من شفاعة ابن أخيه محمد

[عمار جبار خضير]

اقتباس المشاركة الأصلية كتبت بواسطة منتظرة المهدي اللهم صل على محمد وآل محمد وعجل فرجهم وألعن أعدائهم . آآآآآآآآهــــــ ياعم رسول الله السلام عليك يا خير الشهداء السلام عليك يا أسد الله وأسد رسوله اللهم أرزق كاتب هذه السطور زيارته ولا تحرمه في الأخرة من شفاعة ابن أخيه محمد

بارك الله فيك اختنا الموالية وشكرا لدعواتكم الصادقة ممنون والله منكم

[ابومرايم]

احسنتم وعظم الله اجوركم في هذه الذكرى الاليمة شهادة الحمزة